သကြားဈေးကွက်အပေါ်ချိန်ဆ၍ စိုက်ပျိုးနေရသည့်အတွက် ကြံစိုက်တောင်သူအများစု အဆင်မပြေ

သကြားဈေးကွက် အတက်အကျအပေါ် ချိန်ဆ၍ စိုက်ပျိုးထုတ်လုပ်နေရသည့်အတွက် ကြံစိုက်တောင်သူအများစု အဆင်မပြေမှုများ ကြုံတွေ့နေရကြောင်း သိရသည်။

"ကျွန်တော်တို့ဆီက ကြံတွေကိုတော့ တောင်ကြီးမြို့နယ်၊ တောင်လေးလုံးကျေးရွာမှာရှိတဲ့ သကြားချက်တဲ့ စက်ရုံကို တင်ပို့ရောင်းချနေပါတယ်။ ကြံအချောင်းလိုက်ကိုခုတ်ပြီး စက်ရုံအရောက် တင်ပို့ရောင်းချတာပါ။ ဒီနှစ် ပေါက်ဈေးကတော့ မသိသေးပေမယ့် မနှစ်ကဈေးကတော့ ကြံတစ်တန်ကို ငွေကျပ် (၄၃၀၀၀) ရခဲ့ပါတယ်။ ဈေးကွက်အခက်အခဲကတော့ ရှိနေပါတယ် ခင်ဗျ။ ကြံဈေးကလည်း သကြားဈေးနဲ့ချိန်ပြီး သွားရတာဆိုတော့လေ။ ပြီးခဲ့တဲ့ သုံးနှစ်လုံးလည်း ကြံဈေးမကောင်းခဲ့လို့ တောင်သူတွေ အဆင်မပြေခဲ့ကြပါဘူး။"

ဟု ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ တိလောကျေးရွာအုပ်စု၊ တိလောရွာ အကွက်(၁)မှ ကြံသီးနှံစိုက်ပျိုးထုတ်လုပ်သူ ကိုစိုးဝင်းက ပြောသည်။

ကြံတစ်ဧက စိုက်ပျိုးပါက စတင်စိုက်ပျိုးစဉ်မှ ရိတ်သိမ်းချိန်အထိ စုစုပေါင်း ပျမ်းမျှကုန်ကျစရိတ် (၁၀)သိန်းကျပ်ဝန်းကျင် ကုန်ကျပြီး၊ ဒေသတစ်ခုနှင့်တစ်ခု ကုန်ကျစရိတ်များလည်း မတူကွဲပြားနိုင်ကြောင်း သိရသည်။

"ကြံမျိုးပင်ကျတော့ တောင်သူအချင်းချင်း ဝယ်မယ်ဆိုရင် တစ်ပင်ကို ငွေကျပ် ငါးဆယ်ကနေ၊ တစ်ရာကျပ်အတွင်း ဈေးနှုန်းရှိပါတယ်။ တချို့ဒေသတွေနဲ့လည်း ဈေးမတူတာမျိုး ရှိနိုင်ပါတယ်။ ကျွန်တော်တို့ဒေသမှာတော့ တစ်ဧက ပျမ်းမျှကုန်ကျစရိတ်စုစုပေါင်းက ကိုးသိန်းကျော်၊ ဆယ်သိန်းကျပ်လောက် ကုန်ကျတယ်။ ကြံတစ်တန်ရောင်းတဲ့အခါမှ ငွေလေးသောင်းကျပ် ကျော်ကျော်ပဲ ရတာဆိုတော့ စိုက်ပျိုးစရိတ်ကုန်ကျထားတာနဲ့ ပြန်ရတာနဲ့က တွက်ခြေမကိုက်ကြပါဘူး။"

ဟု ကိုစိုးဝင်းက ဆက်လက်ပြောသည်။

ကြံပင်၏ စိုက်ပျိုးသက်တမ်းမှာ အချိန် (၁၁)လမှ တစ်နှစ်အတွင်း ကြာမြင့်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ