ဒေသတချို့Lock downဖြေလျှော့ခြင်း၊ ပြည်ပဝယ်လက်ရှိခြင်းတို့ကြောင့် ငရုတ်သီးဈေးမြင့်တက်လာ

မန္တလေးတိုင်းဒေသကြီးရှိ ဒေသတချို့ Lock down (လော့ဒေါင်း) ပြန်ဖြေလျှော့ခြင်း၊ ပြည်ပဝယ်လက်ရှိခြင်းတို့ကြောင့် ငရုတ်သီးဈေးနှုန်းများ အနည်းငယ် ပြန်တက်လာကြောင်း ဈေးကွက်အတွင်းမှ သိရသည်။

"ငရုတ်သီးဈေး နည်းနည်းတက်လာပြီ။ မန္တလေး Lock down ဖြစ်သွားကတည်းက ဈေးကျတာ။ ရမည်းသင်းဘက်ဆိုလည်း အခုချိန်ထိကို Lock down ဖြစ်နေတုန်းပဲ။ အဲ့ဒါကြောင့် သွားလာလို့မရတာကြောင့်လည်း ပါတာပေါ့။ Lock down ဖြစ်တော့ ဘဏ်တွေပိတ်တယ်။ အခုတော့ Lock down ပြန်ဖြေလျှော့တယ်။ ဘဏ်ပြန်ဖွင့်တယ်လို့ ကြားတယ်။ ဒါ့ကြောင့် ငရုတ်သီးဈေးလည်း နည်းနည်းပြန်တက်လာတာ"

ဟု မန္တလေးတိုင်းဒေသကြီး၊ မြစ်သားမြို့နယ်၊ ရွာခိုင်ကြီးကျေးရွာမှ ငရုတ်သီး စီးပွားဖြစ်စိုက်ပျိုးသူ ကိုမြင့်ထွန်းဦးက ပြောသည်။

ငရုတ်သီးအမှည့်အစိုများကို မြဝတီနယ်စပ်ထွက်ပေါက်မှတစ်ဆင့် ထိုင်းနိုင်ငံနှင့်မလေးရှားနိုင်ငံတို့သို့ တင်ပို့ရောင်းချနေကြောင်း သိရသည်။

"နောက်တစ်ခု ဈေးတက်ရတဲ့အကြောင်းရင်းက နိုင်ငံခြားကလည်း အော်ဒါရှိလို့ပေါ့။ မြန်မာပြည်က ငရုတ်သီးတွေကတော့ မြဝတီကနေ ထိုင်းကိုဖြတ်ပြီး၊ မလေးကို တင်ပို့နေတာများတယ်။ ကျွန်တော်တို့နယ်ဘက်က အသီးတွေ အခုဈေး တစ်ပိဿာကို ထောင့်ငါးရာကျပ်ရတယ်ဆိုတော့ မဆိုးပါဘူး။ လုပ်သာကိုင်သာ ရှိသွားတာပေါ့။ အရင်ရက်တွေက တစ်ပိဿာကို ထောင့်တစ်ရာကျပ်ကနေ ရှစ်ရာ၊ ကိုးရာလောက်အထိ ကျသွားသေးတယ်။"

ဟု ကိုမြင့်ထွန်းဦးက ဆက်လက်ပြောသည်။

လက်ရှိဈေးကွက်တွင် ကူမဲ ငရုတ်သီး/692 ခြင်းသီးစျေး တစ်ပိဿာလျှင် ၁၅၀၀ ကျပ်၊ သာမိုငရုတ်သီးအစိမ်း တစ်ပိဿာလျှင် ၁၈၀၀ ကျပ်ဝန်းကျင်၊ ပီနံ ငရုတ်သီးစိမ်းဈေး တစ်ပိဿာလျှင် ၃၅၀၀ ကျပ်ဝန်းကျင် ဈေးနှုန်းများဖြင့် ရောင်းဝယ်ဖောက်ကားနေကြောင်း သိရှိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ