ကြက်သွန်နီပြည်ပတင်ပို့မှုရပ်တန့်နေ

ကြက်သွန်နီပြည်ပတင်ပို့မှုစျေးကွက်မှာ ရပ်တန့်နေကြောင်း မြန်မာနိုင်ငံ ကြက်သွန်နီ ၊ ကြက်သွန်ဖြူ နှင့်စားဖိုဆောင်သီးနှံစိုက်ပျိုးထုတ်လုပ်တင်ပို့ရောင်းချသူများအသင်းမှသိရပါတယ်။ ယခုနှစ်အတွင်း ပြည်ပဝယ်လိုအားမရှိတာကြောင့် ကြက်သွန်နီပြည်ပတင်ပို့မှုရပ်တန့်နေတာဖြစ်တယ် လို့ မြန်မာနိုင်ငံကြက်သွန်နီ ၊ ကြက်သွန်ဖြူနှင့်စားဖိုဆောင်သီးနှံစိုက်ပျိုးထုတ်လုပ်တင်ပို့ရောင်းချသူ များအသင်းမှ ဥက္ကဌ ဦးခင်ဟန်ကပြောပါတယ်။

“ ကြက်သွန်နီကဒီနှစ်မှာလည်း ပြည်ပတင်ပို့မှုမရှိဘူး။ ဝယ်လိုအားမရှိသလောက်ကိုနည်းတယ်။ အရင်နှစ်ကလည်း ပြည်ပကိုတင်ပို့မှုကသိပ်မရှိဘူး။ အခုလက်ရှိက တရုတ်ကိုလောက်ပဲသွားတယ်” နယ်အစုံမှကြက်သွန်နီကားများမှာတစ်နေ့ကို ကြက်သွန်နီကုန်တင်ကားအစီးရေ(၃၀)ခန့်ဝန်းကျင် ဝင်ရောက်နေတာဖြစ်ကြောင်းလည်း အဆိုပါအသင်းမှသိရပါတယ်။

ယခုလက်ရှိတွင် မြန်မာ့ကြက်သွန်ကို တရုတ်နယ်စပ်မှတစ်ဆင့်တင်ပို့မှုရှိနေတာဖြစ်ကြောင်း လည်း သိရပါတယ်။ ယခုလက်ရှိပြည်တွင်း ကြက်သွန်နီစျေးနှုန်းမှာ တစ်ပိဿာကို ၈၅၀ ကျပ် ၊ မုံရွာရှယ် တစ်ပိဿာကို ၈၇၅ ကျပ် နဲ့ ပခုက္ကူရှယ်တစ်ပိဿာကို ၈၇၅ ကျပ်ရှိကြောင့် ဘုရင့်နောင်ကုန်စည်ဒိုင်စျေးနှုန်းစာ ရင်းများအရသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ