ကြက်သွန်နီကို ပမာဏများများစိုက်ပျိုးမည်ဆိုပါက ကိုယ်တိုင်မျိုးထောင် စိုက်ပျိုးသင့်

ကြက်သွန်နီကို ပမာဏများများ စိုက်ပျိုးမည်ဆိုပါက တွက်ခြေကိုက်စေရန် ကိုယ်တိုင်မျိုးထောင် စိုက်ပျိုးသင့်ကြောင်း စီးပွားဖြစ်စိုက်ပျိုးထုတ်လုပ်နေသူများက ဆိုသည်။

ကြက်သွန်နီကို နည်းနည်းစိုက်တာမဟုတ်ဘဲ သုံးဧက၊ ငါးဧက တို့လို ဧကကြီးစိုက်တဲ့သူတွေက မျိုးပင်ကို ကိုယ်တိုင်မျိုးထောင်ပြီး စိုက်ပျိုးသင့်ပါတယ်။ အပြင်ကဝယ်ရင် မျိုးတစ်ဘောင်စာကို တစ်သိန်းရှစ်သောင်း၊ တစ်ခါတရံဆို နှစ်သိန်းရှစ်သောင်းလောက်အထိကို ဈေးများတတ်၊ ကုန်ကျတတ်လို့ပါ။

ဟု မန္တလေးတိုင်း၊ မြင်းခြံမြို့နယ်၊ ထနောင်းတိုင်ရွာမှ ကြက်သွန်စီးပွားဖြစ် စိုက်ပျိုးသူ ဦးဝင်းမြင့်ဌေးက ပြောသည်။

မျိုးထောင်စိုက်ပျိုးခြင်းဆိုသည်မှာ မိမိစိုက်ပျိုးထားသည့် ကြက်သွန်အခင်းထဲမှ မိမိကြိုက်နှစ်သက်သည့် ကြက်သွန်မျိုး (သို့မဟုတ်) မျိုးပြုလုပ်ရန် ရည်ရွယ်၍ သီးခြားဖယ်ထားသည့်မျိုးကို စိုက်ခင်းအတွင်း ချမစိုက်ခင် ကနဦးမျိုးထောင်ခြင်း ဖြစ်သည်။

ကြက်သွန်ဥကြီးကို သွားနှုတ်ပြီး မျိုးယူရတာမဟုတ်ပါဘူး။ အပင်ရဲ့အညှာကနေ အပွင့်ပွင့်၊ အဲ့ဒီအပွင့်လေးတွေကနေမှ အစေ့လေးတွေကို ဩဂုတ်လလောက်မှာထုတ်ယူပြီး အောက်တိုဘာ၊ နိုဝင်ဘာလပိုင်းတွေမှာ စတင်စိုက်ထားတာပါ။ အပင်သက် တစ်လသားလောက်ရောက်မှ ကိုယ်တကယ်စိုက်ပျိုးမယ့်အခင်းထဲ ရွေ့ပြောင်းစိုက်ပျိုးရတာပါ။

ဟု ဦးဝင်းမြင့်ဌေးက ဆက်လက်ပြောသည်။

ကြက်သွန်နီကို ဒီဇင်ဘာလကုန်တွင် စတင်စိုက်ပျိုးပြီး ဧပြီလဝန်းကျင်တွင် ရိတ်သိမ်းနိုင်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ