ချင်းပြည်နယ်၊ မင်းတပ်မြို့နယ်၌ ၀ဥအခြောက်ခံစက်ရုံ ဖွင့်လှစ်မည်

ချင်းပြည်နယ်အစိုးရအဖွဲ့၏ လမ်းညွှန်မှု၊ မြန်မာနိုင်ငံသစ်သီး၀လံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်း (MFVP) ၏ ကြီးကြပ်မှုတို့ဖြင့် ချင်းတောင်ရတနာကုမ္ပဏီ (Chin Hills Treasure Company Limited) မှ ၀ဥလွှာအခြောက်ခံစက်ရုံ ဖွင့်လှစ်မည်ဖြစ်ကြောင်း သိရသည်။

အဆိုပါ ၀ဥလွှာခြောက်စက်ရုံတည်နေရာမှာ ချင်းပြည်နယ် မင်းတပ်မြို့နယ် ထင်ချောင်းကျေးရွာ၌ ဖြစ်ပြီး၊ စက်ရုံတည်ထောင်ရာတွင် ဒေသခံ ၀ဥစိုက်ပျိုးသူများ စုပေါင်းရင်းနှီးမြှုပ်နှံမှုများလည်း ပါ၀င်ထားသည်။

ချင်းပြည်နယ်ရဲ့ အဓိက စိုက်ပျိုးရေးထုတ်ကုန်ဖြစ်တဲ့ ၀ဥကို တန်ဖိုးမြှင့်ထုတ်ကုန်အဖြစ် ထုတ်လုပ်ရောင်းချနိုင်ဖို့အတွက် ၀ဥလွှာခြောက်စက်ရုံတွေ၊ စားသောက်ကုန်လုပ်ငန်း စက်ရုံတွေ ထူထောင်လည်ပတ်သွားနိုင်ဖို့ကို အမှန်တကယ် လိုအပ်ပါတယ်။

ဟု မြန်မာနိုင်ငံသစ်သီး၀လံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများ အသင်း (MFVP) ၏ ချင်းပြည်နယ်တောင်ပိုင်း ဥက္ကဌ ဦးမိုးကျော်သူက ပြောသည်။

စက်ရုံဖွင့်ပွဲအခမ်းအနားကို ၂၀၂၀ ခုနှစ် ဇန်နဝါရီ(၂၆)ရက်တွင် ကျင်းပမည်ဖြစ်ကြောင်းသိရသည်။

ချင်းတောင်ရတနာကုမ္ပဏီ (Chin Hills Treasure Company Limited) ကို ၂၀၁၈ ခုနှစ်မှ စတင်ကာ စုစည်းခဲ့ပြီး၊ ၂၀၁၉ခုနှစ်တွင် မင်းတပ် တောင်သူအစုအဖွဲ့ ကုမ္ပဏီ၊ ကန်ပက်လက် တောင်သူအစုအဖွဲ့ကုမ္ပဏီ၊ မတူပီ တောင်သူအစုအဖွဲ့ကုမ္ပဏီနှင့် ဗစ်ထရီဂါးဒင်း ကုမ္ပဏီ စသည့် ကုမ္ပဏီ(၄)ခု စုပေါင်းပြီး၊ ဖွဲ့စည်းတည်ထောင်ထားခြင်း ဖြစ်သည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ