စားသုံးမှိုစိုက်ပျိုးထုတ်လုပ် တင်ပို့ရောင်းချသူများအသင်းကို ပြည်နယ်နှင့်တိုင်းများမှာ ဖွဲ့စည်းသွားမည်

မှိုအစုအဖွဲ့များကို ပြည်နယ်နဲ့တိုင်းဒေသကြီးအချို့တို့မှာ ဖွဲ့စည်းသွားမှာဖြစ်ကြောင်း စားသုံးမှိုစိုက်ပျိုးထုတ်လုပ် တင်ပို့ရောင်းချသူများအဖွဲ့မှ သိရပါတယ်။

မှိုအစုအဖွဲ့ကို ပြည်နယ်နဲ့တိုင်းဒေသကြီးအချို့တို့မှာ ဖွဲ့စည်းသွားမှာဖြစ်ပြီး အားကောင်းတဲ့နေရာများမှာ ဆက်လက်အကောင်အထည်ဖော်သွားမှာဖြစ်ကြောင်း စားသုံးမှိုစိုက်ပျိုးထုတ်လုပ် တင်ပို့ရောင်းချသူများအဖွဲ့မှ ဥက္ကဌ ဦးတင်အောင်ကပြောပါတယ်။

“မှိုနဲ့ပတ်သက်ပြီး စီမံကိန်းလုပ်နေတာလည်းရှိနေတော့ ဒီစီမံကိန်းကာလအတွင်းမှာပဲ တိုင်းနဲ့ပြည် နယ်အလိုက် မှိုအစုအဖွဲ့တွေဖွဲ့မယ်။ ဖွဲ့တဲ့နေရာတွေမှာ မှိုနဲ့ပတ်သတ်ပြီး အားကောင်းတဲ့နေရာတွေဆိုရင် ဆက်ပြီးတော့အကောင်အထည်ဖော်သွားမှာပါ”

မြန်မာ့မှိုကို ရန်ကုန်တိုင်းဒေသကြီးအတွင်းရှိ ထောက်ကြန့်၊ မှော်ဘီ၊ လှည်းကူးနဲ့ မင်္ဂလာဒုံမြို့နယ် များမှာ စိုက်ပျိုးကြပြီး ကရင်ပြည်နယ်မှာလည်း အများဆုံးစိုက်ပျိုးကြောင်းသိရပါတယ်။

မြန်မာ့မှိုကဏ္ဍ စိုက်ပျိုးထုတ်လုပ်မှု ဖွံ့ဖြိုးတိုးတက်စေဖို့အတွက်လည်း စီမံကိန်းများကို လုပ်ဆောင်နေတာဖြစ်ကြောင်းလည်း စားသုံးမှိုစိုက်ပျိုးထုတ်လုပ် တင်ပို့ရောင်းချသူများအဖွဲ့မှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ