ဝါး Treatment Center များပြုလုပ်နိုင်ရန် စီစဉ်ဆောင်ရွက်နေ

ဝါးများရဲ့အရည်အသွေးကို ပိုမိုကောင်းမွန်စေရန်အတွက် ဝါး Treatment Center များပြုလုပ်နိုင်ရန် စီစဉ်ဆောင်ရွက်သွားမှာဖြစ်ကြောင်း မြန်မာနိုင်ငံဝါးစိုက်ပျိုးရေးအသင်းမှ သိရပါတယ်။

ဝါးများကို ပိုမိုကောင်းမွန်တဲ့ အရည်အသွေးများရရှိစေနိုင်ပြီး ဈေးကွက်ကောင်းလာစေနိုင်ဖို့အတွက် ဝါးများကိုပြန်လည်ပြုပြင်ပေးမယ့် ဝါးTreatment Center များပြုလုပ်သွားမှာဖြစ်တယ်လို့ မြန်မာနိုင်ငံ ဝါးစိုက်ပျိုးရေးအသင်းမှ ဗဟိုဥက္ကဌ ဦးကျော်ဝင်းကပြောပါတယ်။

“ဝါးတွေကို Treatment Center လေးလုပ်ပြီး ရောင်းမယ်ဆိုရင် ပိုပြီးတော့မှ အဆင်ပြေလာမယ်။ ကြာကြာ ထားလေတန်ဖိုးရှိလေပဲ။ ဝါးကို ပေါင်းပြီး ရောင်းတာပေါ့။ အခုကတော့ နည်းသေးတယ်။ ဝါးလုံးတွေမဟုတ်ပဲ ဝါးခြမ်းတွေထွက်လာမယ်။ ညီညီညာညာလေးတွေရလာမယ်။ ပိုးမထိုး မှိုမတက်အောင်လုပ်ထားတယ်ဆိုတော့ ပြန်သုံးလို့ရတယ်”

ဝါး(Treatment Center)များကို တောင်ကြီး၊ ပုဂံ၊ နေပြည်တော်နဲ့ မုံရွာတို့မှာ ပြုလုပ်သွားနိုင်ရန် စီစဉ်ဆောင်ရွက်သွားမှာဖြစ်ကြောင်း အဆိုပါအသင်းမှ သိရပါတယ်။

အခြား ပြည်နယ်နဲ့တိုင်းများမှာလည်း ဝါး Treatment Center များကို ပြုလုပ်သွားနိုင်ရန်အတွက် လုပ်ဆောင်သွားမှာဖြစ်ကြောင်း မြန်မာနိုင်ငံ ဝါးစိုက်ပျိုးရေးအသင်းမှ သိရပါတယ်။

တိုးတိုးခိုင်(ABM)