နာနတ်သီးဈေးနှုန်းများကျဆင်းနေပြီး တောင်သူများ ဈေးကွက်အခက်အခဲများစွာ ရင်ဆိုင်နေရ

နာနတ်သီးဈေးနှုန်းများ အဆမတန်ကျဆင်းနေပြီး နာနတ်စိုက်ပျိုးထုတ်လုပ်သူ တောင်သူများ ဈေးကွက်အခက်အခဲများစွာကို ရင်ဆိုင်နေကြရကြောင်း သစ်သီးဝလံဈေးကွက်ကျွမ်းကျင်သူများထံမှ သိရသည်။

နာနတ်သီးစိုက်ပျိုးသူတွေအတွက်တော့ ဒီနှစ် နာနတ်သီးဈေးကွက် မကောင်းပါဘူး။ ဂျပန်သီး(ပြင်ဦးလွင်သီး)၊ ရှမ်းပြည်နယ် သီပေါသီး အားလုံးအတူတူပဲ။ စိုက်ဧကများတဲ့သူတွေလည်း အရင်းအနှီးများပြီး ဈေးကွက်မကောင်းတဲ့အတွက် ဒီနှစ်တော်တော်လေး ဒုက္ခရောက်ကြတယ်။ အခုတော့ ပြင်ဦးလွင်ကထွက်တဲ့ နာနတ်သီးတွေက အသီးခူးရက်ပြီးလို့ အားလုံးကုန်ပြီ။ ဈေးကောင်းမရခဲ့ကြဘဲ ပွဲရုံတွေကပေးတဲ့ ဈေးအနိမ့်နဲ့ ရောင်းခဲ့ရတာပါ။ သီပေါသီးတွေကတော့ အသီးခူးရက်ကျန်သေးတယ်။ သူတို့ဘက်မှာလည်း ဈေးကွက်အခက်အခဲတွေ အများကြီး ရင်ဆိုင်နေရပါတယ်။

ဟု မန္တလေးတိုင်းဒေသကြီး၊ ပြင်ဦးလွင်မြို့မှ အော်ဂဲနစ်နာနတ်သီးစိုက်ပျိုးထုတ်လုပ်သူ ဦးထွန်းထွန်းညွှန့်က ပြောသည်။

နာနတ်သီးခူးဆွတ်သည့် ရာသီချိန်မှာ ဒေသတစ်ခုနှင့်တစ်ခု မတူညီကြဘဲ၊ ပြင်ဦးလွင်အနီးတဝိုက်ဒေသများတွင် မေလဆန်းမှ ဇူလိုင်လလယ်အတွင်းဖြစ်ပြီး၊ ရှမ်းပြည်နယ်အနီးတဝိုက် ဒေသများတွင်မူ ဇူလိုင်လလယ်မှ စတင်ခူးဆွတ်ကြခြင်း ဖြစ်သည်။

ယခင်နှစ်က တစ်လုံးလျှင် (၃၀၀)ကျပ် ရရှိခဲ့သည့် နာနတ်သီးတစ်လုံးမှာ ယခုနှစ်တွင် (၁၀၀)ကျပ်အောက်အထိ ဈေးနှုန်းများ ကျဆင်းသွားကြောင်း နာနတ်သီးစိုက်ပျိုးထုတ်လုပ်နေသူများက ပြောသည်။

ရန်ကုန်မြို့၊ မန္တလေးမြို့မှာရှိတဲ့ အော်ဂဲနစ်ဆိုင်တွေကလည်း ကိုဗစ်ကာလဖြစ်တဲ့အတွက် တချို့တစ်ဝက်ပဲ ပြန်ဖွင့်သေးတယ်။ ခါတိုင်းက ဆိုင် ၆ ဆိုင်ကို နာနတ်သီးပို့နေရတာ၊ ဒီနှစ်မှာ ဆိုင် ၃ ဆိုင်ကိုပဲ ပို့လို့ရတယ်။ အဲ့ဒီမှာတင် စားသုံးမှုကကျနေပြီ။ ရောင်းသူတွေဘက်မှာလည်း အသွားအလာတွေကန့်သတ်ထားတဲ့အတွက် delivery ဖိုး ပိုပေးရတယ်လေ။ ဝယ်သူတွေကလည်း ဆိုင်တွေကို မလာချင်ဘူး။ ဒါ့ကြောင့် ဝယ်လိုအားကျလာတယ်။ နာနတ်သီးတွေက ဆိုင်တွေမှာ ၁၅ ရာခိုင်နှုန်းလောက်ပဲ ဖြုန်းအားရှိတဲ့အတွက်၊ ကျန် ၈၅ ရာခိုင်နှုန်းကို ပွဲရုံတွေကို ရောင်းရတယ်။ ပွဲရုံစျေးကပေးတဲ့ ဈေးနှုန်းက အရင်တုန်းကရခဲ့တဲ့စျေးရဲ့ ၃၀ ရာခိုင်နှုန်းပဲ ရပါတယ်။

ဟု ဦးထွန်းထွန်းညွှန့်က ဆက်လက်ပြောသည်။

စီးပွားဖြစ်စိုက်ပျိုးသူတချို့မှာလည်း နာနတ်ဈေးကွက်ကျဆင်းသည့်အတွက် နာနတ်ခြံအတွင်း နာနတ်သီးခူးချိုးသည့်လုပ်သားခပင် ပြန်မရခြင်း၊ နာနတ်ခြံ စိုက်ပျိုးစရိတ်နှင့် သွင်းအားစုစရိတ်များ အရှုံးပေါ်ခြင်း၊ လမ်းပန်းဆက်သွယ်ရေး မကောင်းသည့်ကာလဖြစ်သဖြင့် နာနတ်သီးများ အမှည့်လွန်၍ ပြန်လာရခြင်း၊ ပွဲရုံများတွင် ရောင်းမကုန်သည့်အတွက် နာနတ်သီးခူးဆွတ်မှုကို ရပ်တန့်ထားရခြင်း စသည့် အခက်အခဲအမျိုးမျိုးနှင့် ရင်ဆိုင်နေကြရကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ