ဒေါ်နန်းထက်ထက်ချစ်
Greenovator
မြန်မာနိုင်ငံမှ ထွက်ရှိသည့် နာနတ်သီးများကို တရုတ်နိုင်ငံသို့ တင်ပို့ရောင်းချခွင့် ရပ်ဆိုင်းထားသည့် ကာလအတွင်း ပြည်တွင်းဈေးကွက်အပေါ်သာ အားထားရောင်းချနေရကြောင်း တောင်သူများထံမှ သိရသည်။
တရုတ်ပြည်ကို ပို့မယ့် နာနတ်သီးတွေလည်း ပိုးမွှားနဲ့မှိုရောဂါ ကင်းစင်ကြောင်းထောက်ခံချက် အစိုးရက ထုတ်ပေးမှ တင်ပို့ခွင့်ရမယ်။ အဲ့ဒီထောက်ခံချက်လုပ်ထားတာ မရှိသေးတာမို့၊ အခုလောလောဆယ်မှာ နာနတ်သီးတွေက ပြည်တွင်းဈေးကွက်မှာပဲ ရောင်းချနေတယ်။ ဟု မန္တလေးတိုင်း၊ ပြင်ဦးလွင်မြို့၊ ဆင်လမ်းကျေးရွာရှိ အော်ဂဲနစ် နာနတ်စိုက်ပျိုးထုတ်လုပ်နေသူ ဦးထွန်းထွန်းညွှန့်က ပြောသည်။
မြန်မာနိုင်ငံတွင် နာနတ်သီးကို ရှမ်းပြည်နယ်၊ ကရင်ပြည်နယ်၊ မွန်ပြည်နယ်၊ မန္တလေးတိုင်းနှင့် ဒေသတချို့၌ စီးပွားဖြစ် ဖြစ်စေ၊ တစ်နိုင်တပိုင်ဖြစ်စေ စိုက်ပျိုးထုတ်လုပ်နေပြီး ယခုနှစ်တွင် Covid-19 ရောဂါဖြစ်စဉ်ကြောင့် နာနတ်သီး တင်ပို့ရောင်းချရာတွင် နှောင့်နှေးမှုများ ရှိနေသည်။
ပုံမှန်က ဒီအချိန်က ရှမ်းပြည်(သီပေါ) နာနာတ်သီးက ဈေးမြင့်ပြီး၊ ပြင်ဦးလွင်နာနတ်သီးက ဈေးအနေတော် ဖြစ်နေရမယ့် အချိန်ပါ။ အခုကတော့ ဈေးကွက်က သိပ်တော့ အားမရဘူး။ နောက် ၁၅ ရက်လောက်ဆို သီပေါသီးက ဈေးအနေတော်ဖြစ်ပြီး၊ ပြင်ဦးလွင်သီးက ဈေးနည်းသွားတော့မယ်။ နောက်ပိုင်း အနေအထားကို သုံးသပ်ရရင်တော့ အရင်ကထက် ဈေးကျသွားတာမျိုးတွေလည်း ကြုံတွေ့ရနိုင်ပါတယ်။ ဟု ဦးထွန်းထွန်းညွှန့်က ဆက်လက်ပြောသည်။
၂၀၁၉ ခုနှစ်၊ ဇွန်လဝန်းကျင်မှစ၍ တရုတ်နိုင်ငံသို့ နာနတ်သီးတင်ပို့ခွင့် ရပ်ဆိုင်းခဲ့ပြီး၊ ပြန်လည်တင်ပို့ခွင့် ရရှိစေရန်အတွက် သက်ဆိုင်ရာ အဖွဲ့အစည်း အသီးသီးတို့မှ ကြိုးပမ်းဆောင်ရွက်နေကြောင်း သိရသည်။
နန်းထက်ထက်ချစ်(ABM)
(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)
Greenovator ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
Login With Google
{{ question.title }}