မကွေးတိုင်းဒေသကြီးတွင် ဆီထွက်သီးနှံအာမခံစနစ် လုပ်ဆောင်သွားရန်စီစဉ်နေ

ယခုနှစ်အတွင်း မကွေးတိုင်းဒေသကြီးမှာ ဆီထွက်သီးနှံကို သီးနှံအာမခံစနစ်လုပ်ဆောင်သွားရန် စီစဉ် နေကြောင်း Global World Insurance ကုမ္ပဏီမှသိရပါတယ်။ မကွေးတိုင်းဒေသကြီးအတွင်း ဆီထွက်သီးနှံအာမခံစနစ် စမ်းသပ်လုပ်ကိုင်နိုင်ရန် သက်ဆိုင်ရာအဖွဲ့နဲ့ ဆွေးနွေးလုပ်ကိုင်သွားမှာဖြစ်ကြောင်း Global World Insurance ကုမ္ပဏီမှ ဒါရိုက်တာ ဦးစိုးဝင်းသန့် ကပြောပါတယ်။

“ အခုက မကွေးမှာ ဆီထွက်သီးနှံလုပ်ဆောင်ဖို့အတွက် မကွေးတိုင်းဒေသကြီးဝန်ကြီးချုပ်နဲ့တွေ့ဖို့ စာတင်ထားတယ်။ နှမ်းဆီတို့ဘာတို့ ထားမရဘူးလားလို့ မေးလာတာတွေရှိတော့ အဲဒါကြောင့် ဆီထွက်သီးနှံနဲ့ပတ်သက်လို့ ဆောင်ရွက်သွားမှာတွေ ဆွေးနွေးသွားမယ်” ယခုနှစ်အတွင်းမှာ ထပ်မံ၍ စပါးသီးနှံအာမခံစနစ်အတွက် ပဲခူးတိုင်းဒေသကြီးမှာ လုပ်ဆောင်သွားရန်အတွက် စီစဉ်လုပ်ဆောင်နေကြောင်းလည်း အဆိုပါကုမ္ပဏီမှသိရပါတယ်။

ယခုနှစ်အတွင်း သီးနှံအာမခံစနစ်အတွက် စပါးကို ဧက (၁၀၀) စီနဲ့ မြို့နယ်သုံးမြို့နယ်မှာ အကောင်အထည်ဖော်နေတာဖြစ်ကြောင်းလည်း Global World Insurance ကုမ္ပဏီမှသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ