Plastic bottle (ရေဘူး) အသုံးပြု ရေအစက်ချစနစ် ပြုလုပ်ခြင်း အပိုင်း (၂)

ရေကို လျှင်မြန်စွာ အစက်ချရေပေးစနစ် ပြုလုပ်ခြင်း(Making a Quick Release irrigation)

အဆင့် ၁။ ရေဘူးတစ်လုံးကို ယူပါ။ (၂) လီတာဝင်ရေဘူးဆိုရင် ပိုကောင်းပါသည်။ ဒါပေမဲ့ အပင်ငယ်အတွက် ရေဘူးအငယ်ကို အသုံးပြုနိုင်ပါသည်။ ရေဘူးကို ရေသန့်စင်အောင်ဆေးပါ။ တံဆိပ်များကိုဖြုတ်ပါ။

အဆင့် ၂။ ဘူး၏အခြေမှ (၃)ပုံ(၂)ပုံအမြင့်ထိ အပေါက်လေးများပြုလုပ်ပါ။ မိမိစိတ်ကြိုက် အပေါက်လေးများ ပြုလုပ်နိုင်ပြီး အပေါက်များလျှင် ရေ မြန်မြန် ဆင်းပါမည်။ တကယ်လို့ အပင်(၁)ပင်တည်းကိုသာ ရည်ရွယ်ပြီးရေပေးမည်ဆိုပါက တစ်ဖက်တည်းသာအပေါက်များပြုလုပ်ပါ။

- သံ(သို့)လှည့်ဖောက်တံအသုံးပြုပြီး အပေါက်များပြုလုပ်ပါ။

- အပေါက်မဖောက်ခင် သံ(သို့)လှည့်ဖောက်တံများကို အပူပေးထားပါ။

 

အဆင့် ၃။ ဘူးရဲ့အခြေမှာ စုဆောင်းထားတဲ့ရေတွေကို အပင်ကြီးထွား အစိတ်အပိုင်းကို ဖြန့်ပေးတာဖြစ်တဲ့အတွက် အရေးကြီး ပါတယ်။ ဘူးရဲ့ အခြေမှာအရစ်လိုက် အဆစ်များရှိနေရင် အဲဒီအဆစ်များတွင် အပေါက်များပြုလုပ်ပါ။

 

- ဘူးများ၏အခြေများတွင် အများအားဖြင့်ပိုထူသော ပလပ်စတစ်များဖြင့် ပြုလုပ်ကြသဖြင့် ပူနေတဲ့ drill (သို့) သံများအသုံးပြု၍ ဘူးကိုအပေါက်ဖောက် ရမည်။

အဆင့် ၄။ အပေါက်ပြုလုပ်ပြီးသည့်ဘူး၏(၃)ပုံ(၂)ပုံ ထည့်မြှုပ်နိုင်သည့်အထိ ကျင်းများကို တူးပါ။ ကျင်းနံရံများ ဘူးခြေအလိုက် ကွေးသွားမည်ဖြစ်ပါသည်။

အဆင့် ၅။ မြေကြီးထဲသို့ဘူးကိုမြှုပ်သောအခါ ဘူးရဲ့ တစ်ဖက်တည်းသာ အပေါက်ပြုလုပ်မည် ဆိုပါက အပေါက်ရှိသော ဘူးမျက်နှာပြင်ကို အပင်ဘက်သို့ လှည့်ရမည်။ ပြီးတော့ ဘူးပတ်ပတ်လည်ကို မြေကြီးနှင့် ဖြည်းဖြည်းသိပ်ဖိပေးရမည်။

အဆင့် ၆။ ဘူးအဖုံးကိုဖွင့်ပြီး ကန်တော့(သို့) ဘူးအဖုံးအဝထဲသို့ ထည့်လို့ရတဲ့ အရွယ်အစား ရှိသောပိုက်ဖြင့် ဘူးထဲသို့ရေဖြည့်ပါ။ အပေါက်မှရေကျသည်ကိုကြည့်၍ ရေ လုံးဝမထွက်လျှင် ဘူးထိပ်ပိုင်းကို ဖြတ်လိုက်ပါ။

- တကယ်လို့ ရေထွက်တာမြန်နေရင် ဘူးအဖုံးကို ဖုံးပြီး ဖြည်းဖြည်း ချင်းလှည့်ပိတ်ပါ။ရေထွက်တာနှေးစေချင်လျှင် အဖုံးကို တင်းကျပ်စွာ ပိတ်ပါ။

- ဘူးရဲ့ထိပ်ပိုင်းကိုဖြတ်ပြီး ဖြတ်ထားတဲ့ဘူးရဲ့အပေါ်မှာ မှောက်၍ပြန် ထည့်ခြင်းဖြင့် ဖြတ်ထားသောအပိုင်းကို ကန်တော့အဖြစ်ပြန်လည်အသုံး ပြုနိုင်ပါသည်။