အစိမ်းရောင်လမ်း - ရိတ်သိမ်းချိန်လွန် ပိုးမွှားများ

သရက်သီးနှံ၏ အဆိုးဆုံးပိုးတစ်မျိုးဖြစ်သည်။ သီးထိုးယင်ဥသည် အသီးအသားအတွင်းသို့ ထိုးဖောက် ဥပြီး သား လောင်းများကြီးလာပါက အသီး၏အတွင်းသားကို စားသောက်ဖျက်ဆီးပါသည်။ သားလောင်းမှ ပိုးရုပ်ဖုံးအဆင့်ပြောင်း လဲခြင်းကို မြေကြီးအတွင်းတွင် ပြုလုပ်သည်။ သရက်တွင်သာမက သစ်သီးဝလံအမျိုးမျိုးတွင် ကျရောက်တတ်သည်။ သီးထိုးယင်မသည် အသီးများကို ထိုးဖောက် ဥ အု၍ ဖျက်ဆီးတတ်သည်။ အသီးအတွင်းမှ သားလောင်းငယ်သည် အသီး၏ အတွင်းသားကို စားသောက်ဖျက်ဆီးသည်။

သီးထိုးယင်၏ ဘဝသံသရာစက်ဝန်း

ဥ အဆင့် - အသီးအခွံအောက်ခြေမှ ၂ စင်တီမီတာအကွာတွင် ဥ အုသည်။ အကောင်ပေါက်ရန် (၅-၇) ရက်ကြာတတ်သည်။

သားလောင်းအဆင့် - လောက်ကောင်အမျိုးအစားဖြစ်သည်။ (၇ - ၁၁)ရက် ကြာမြင့်တတ်သည်။

ရုပ်ဖုံးဘဝ - ပိုးရုပ်ဖုံးဘဝမှ အကောင်ကြီးဖြစ်ရန် (၉-၁၂) ရက်ခန့်ကြာသည်။

အကောင်ကြီးဘဝ - သက်တမ်း (၁ - ၃) လခန့်ကြာမြင့်သည်။

ဖျက်ဆီးပုံ

အကောင်ကြီးသည် အသီးခွံအားဖောက်ပြီး ဥ အုသည်။ အသီးခွံ အရောင်အဆင်းပျယ်ပြီး ရောဂါဝင်လွယ်သည်။ လောက်ကောင်သားလောင်းသည် အတွင်းသားတစ်သျူးကို စားပြီးဖျက်ဆီးသည်။

ကာကွယ်နှိမ်နှင်းနည်းများ

- ဓာတုပိုးသတ်ဆေးများကို မသုံးပဲ နှိမ်နှင်းပါ၊

- ဇီဝသက်ရှိကို အသုံးပြု၍ နှိမ်နှင်းပါ။

- စိုက်ပျိုးရေးဆိုင်ရာ အလေ့အကျင့်များဖြင့်နှိမ်နှင်းပါ။

- သီးထိုးယင် မကျရောက်သည့်အခြားသီးနှံများနှင့် သီးနှံရောစိုက်ခြင်း၊ စိုက်ခင်းအတွင်း သန့် ရှင်းရေးပြုလုပ်ခြင်း၊ ပင်ခြေရှိမြေကြီးအား ထွန်ယက်ပေးခြင်း၊ သရက်သီးများ အိတ်စွပ်ခြင်း၊ ပိုးပြေးစေသော အနံ့ရှိသည့် ဓာတုပစ္စည်း များချိတ်ဆွဲခြင်း။

- ဓာတုနည်းဖြင့်နှိမ်နှင်းခြင်း။

- အစာနှင့် အဆိပ် ရောနှောပက်ဖျန်းခြင်း။(1/2 ပရိုတင်းနှင့် ပိုးသတ်ဆေးအတွဲ)

- အဖိုမြုံစေသောနည်း။( မီသိုင်း ယူဂျီနောနှင့် ပိုးသတ်ဆေး)

- အဖိုမြုံနေသော ပိုးများကို ကွင်းအတွင်းလွှတ်၍ အမများ မျိုးမအောင်စေခြင်း။

သရက်သီးခူးဆွတ်ပြီးချိန်တွင် အသီးတွင်းပါရှိသော သားလောင်းများကို နှိမ်နှင်းရန်

- ရေ ၅၃ ဒီကရီ စင်တီဂရိတ်တွင် ၁၀ မိနစ်ခန့် စိမ်ပေးပါ။

- မီးခိုးမှိုင်းတိုက်ပေးခြင်း။

- EBD 16 ဂရမ်/မီတာကို အပူချိန် ၂၆ ဒီဂရီ စင်တီဂရိတ်တွင် ၂ နာရီကြာထားရပါမည်။

ဒေါ်သက်သက်နွယ်

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ