ဒေါ်နန်းထက်ထက်ချစ်
Greenovator
နှမ်းဈေးကျဆင်းနေခြင်းကြောင့် စိုက်ပျိုးထုတ်လုပ်မှု ကုန်ကျစရိတ်နှင့် တွက်ချေမကိုက် ဖြစ်နေရကြောင်း နှမ်းစိုက်တောင်သူများထံမှ သိရသည်။
မေလဆန်း နွေနှမ်းရိတ်သိမ်းချိန်တွင် နှမ်းဈေး ဆက်တိုက်ကျဆင်းနေပြီး ၁၅ ပိဿာဝင် နှမ်းတစ်တင်းလျှင် ကျပ် ၅၀၀၀၀ ဝန်းကျင်သာ ပေါက်ဈေးရရှိနေခြင်း ဖြစ်သည်။
၁၅ ပိဿာပါတဲ့ တစ်တင်းကို ၄၈၀၀၀ ကျပ်ပဲ ရတယ်။ ဒီ နှမ်းဈေးနဲ့ဆိုရင် မလွယ်ဘူး။ အရည်အသွေး အဆင့်မမီလို့ပဲလားတော့ မသိဘူး။ ဈေးကျသွားတယ်။ ပွဲရုံတိုင်းက မဝယ်သေးဘူး။ နွေနှမ်းတွေကလည်း စထွက်နေပြီလေ။ ဈေးကောင်း ဘယ်တော့ရမလဲ မမှန်းတတ်ဘူး။ ပေးသလောက်နဲ့ ရောင်းရမှာ။ ပေးသလောက်နဲ့ ဘာလို့ ရောင်းရသလဲ ဆိုတော့ နှမ်းရိတ်ခ၊ အလုပ်သမားခတွေ ရှင်းပေးရတော့မှာကြောင့်ပါ။
ဟု စစ်ကိုင်းတိုင်း၊ ရွှေဘိုခရိုင်၊ ဝက်လက်မြို့နယ်၊ ရေထွက်ကျေးရွာမှ နှမ်းစိုက်တောင်သူ ဦးလှဝင်းဆွေ က ပြောသည်။
၂၀၁၉ ခုနှစ်က နှမ်းတစ်တင်းလျှင် ကျပ် ၈၀၀၀၀ ကျော်အထိ ပေါက်ဈေးရရှိသဖြင့် ဈေးကောင်းရ၊ ကုန်ကျစရိတ် ကာမိခဲ့ကြောင်း သိရသည်။
နှမ်းက တစ်ဧကကို ၁၃ တင်းအောက်ခံ ထွက်တယ်။ မနှစ်ကဆို နှမ်းဈေးကောင်းခဲ့ပါ တယ်။ ဈေးကောင်းရမှလည်း အမြတ်ကျန်မှာလေ။ ဒီနေ့သွားရောင်းတာဆို တစ်တင်း လေးသောင်းပဲ ပေးလို့ မရောင်းပဲ ပြန်သယ်လာလိုက်တယ်။
ဟု နှမ်းစိုက်တောင်သူတစ်ဦး က ပြောသည်။
ထွန်ခုံငှားရခြင်း၊ နှမ်းမျိုး တစ်ပြည်လျှင် ရဝဝဝ ကျပ်ဖြင့် ဝယ်ယူရခြင်း၊ အလုပ်သမားခ (နေ့လည် ထမင်းကျွေးရသည့်အပြင်) တစ်နေ့ ၆ဝဝဝ ကျပ် ပေးငှားရခြင်း စသည့် ကုန်ကျစရိတ်များ ရှိသဖြင့် စုစုပေါင်း နှမ်းစိုက်ပျိုးစရိတ် တစ်ဧကကို (၂၅ဝဝဝဝ) ခန့် ကုန်ကျကြောင်း သိရသည်။
နန်းထက်ထက်ချစ်(ABM)
CPP Fertilizer Company ကြော်ငြာ
ဟာမိုဇင်းပလပ်(စ်)
ဟော့(ပ်)ရိုး(လ်)
ကောင်စယ်
အီမီဒါနေး(လ်)
ပေါ်စီလန်
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
Login With Google
{{ question.title }}