ပဲတီစိမ်းနဲ့ ကုလားပဲသီးနှံမျိုးကောင်းမျိုးသန့်များကို သုတေသနပြုထုတ်လုပ်သွားမည်

ပဲတီစိမ်းနဲ့ ကုလားပဲသီးနှံမျိုးကောင်းမျိုးသန့်များကို သုတေသနပြုထုတ်လုပ်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

အရည်အသွေးနဲ့ ကိုက်ညီတဲ့မျိုးတွေကို သုတေသနပြုလုပ်ဆောင်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှုူးချုပ် ဦးသန့်လွင်ဦး ကပြောပါတယ်။

“ ပဲတီစိမ်း၊ ကုလားပဲသီးနှံ မျိုးကောင်းမျိုးသန့်တွေကို အရည်အသွေးနဲ့ကိုက်ညီတဲ့ လိုအပ်တဲ့မျိုးတွေကို ဒီလိုအရည်အသွေးရဖို့အတွက် ဘာတွေလိုအပ်ချက်တွေရှိလဲဆိုတာကို တာဝန်ယူလုပ်ဆောင်သွားမှာပေါ့”

သုတေသနပြုရရှိလာတဲ့ ပဲတီစိမ်းနဲ့ ကုလားပဲသီးနှံမျိုးများကို စိုက်ပျိုးရေးဦးစီးဌာနနဲ့ ပူးပေါင်းကာ တောင်သူများထံကို ဖြန့်ဝေပေးသွားမှာဖြစ်ကြောင်းနဲ့ အာဟာရဓါတ်များစွာပါဝင်တဲ့ တန်ဖိုးမြှင့်ထုတ်ကုန်သီးနှံများ ဖြစ်လာစေရန် သုတေသနလုပ်ငန်းများကိုပါ တိုးမြှင့်ဆောင်ရွက်နေကြောင်းအဆိုပါဌာနမှ သိရပါတယ်။

အဆိုပါ သုတသနပြုထုတ်လုပ်သွားမယ့် Master Peas စီမံကိန်းကို Netherlands Enterprise Agency (RVO) နဲ့ စိုက်ပျိုးရေးသုတေသနဦးစီးဌာနတို့မှ ပူးပေါင်းဆောင်ရွက်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ