စပါးကျိုင်းမဲ ကြိုတင်ကာကွယ်နှိမ်နင်းနည်းများ

စပါးကျိုင်းမဲကျရောက်တတ်သော အခြေအနေများ

ရေမရှိသော ရိုးပြတ်များအပေါ်တွင် မြေပြုပြင်ခြင်းမရှိဘဲ တိုက်ရိုတ်အစေ့ချ (အခြောက်) စိုက်ပျိုးသည့် အခြေအနေတွင် ကျရောက်လေ့ရှိပါသည်။

မုန်လာဥနီ၊ မုန်လာဥဖြူ၊ ဗေဒါနှင့် ဆလပ်တို့တွင် အဓိကကျရောက်တတ်ပါသည်။

ဘ၀စက်၀န်းနှင့် ဖျက်ဆီးပုံလက္ခဏာ

လောက်ကောင်သည် “C” ပုံသဏ္ဍာန်ရှိပြီး အကောင်ကြီးများသည် ညထွက်ကောင် (Noctuma) ဖြစ်ပါသဖြင့် အလင်းရောင်ထောင်ချောက်ဖြင့် ဆွဲဆောင်ဖမ်းယူနိုင်သည်။ အပင်ခြေ ပက်ကြားအက်များနှင့် မြေကြီးအတွင်း မြေဆွေးနှင့် အမှိုက်သရိုတ်အပုတ်များအတွင်း နေ့အချိန်တွင် ပုန်းအောင်းလေ့ရှိပြီး အပင်ခြေကို ကိုက်ဖြတ်စားသောက်တတ်ပါသည်။

ဥ --(၈-၁၀ရက်)-- လောက်ကောင် --(၄၃ ရက်)-- အကောင်ကြီး

စပါးကျိုင်းမဲ၏ အရွယ်အစား

အလျား( ၁၂.၇ – ၁၉.၁) မီလီမီတာ နှင့် အနံ (၇.၉ -၁၁.၁) မီလီမီတာ ခန့်ရှိပါသည်။

ဘက်စုံကာကွယ် နှိမ်နင်းရေးနည်းလမ်းများ

မီးထောက်ချောက်ထွန်းညှိခြင်း

စက်ဘီး၊ဆိုင်ကယ် စသည့် တာယာဟောင်းများ၊ ရာဘာချေးများကို လောင်စာအဖြစ် အသုံးပြု၍လည်းကောင်း၊ ဘက်ထရီ မီးသုံးထောက်ချောက်များ အသုံးပြု၍လည်းကောင်း ဆောင်ရွက်နိုင်ပါသည်။

၁။ မီးထောက်ချောက်များ အသုံးပြုရာတွင် တစ်ကွင်းတစ်စပ်တည်းရှိ လယ်မြေအားလုံးတွင် ရေမြောင်း၊ ရေအိုင်များအတွင်း တစ်ချိန်တည်းတပြိုင်တည်း ထွန်းညှိရန် အထူးလိုအပ်ပါသည်။

၂။ စိုက်ခင်းပတ်၀န်းကျင်ရှိ ပေါင်းမြက်များအားရှင်းလင်းပါ။

၃။ စိုက်ခင်းအတွင်းသို့ ရေသွင်းပေးပါ။

၄။ မျိုးစေ့များဆေးစီရင်ပါ။

၅။ ထိသေစားသေ ပိုးသတ်ဆေးတစ်မျိုးမျိုးအား ပက်ဖျန်းပါ။

အသုံးပြုသင့်သော ပိုးသတ်ဆေးများ