ဂန့်ဂေါမြို့နယ် မိုးနှမ်းစိုက်ခင်းများတွင် ထရိုင်ကိုဒါးမားမှို စမ်းသပ်အသုံးပြုမည်

ဂန့်ဂေါမြို့နယ်အတွင်း စိုက်ပျိုးရေးဆိုင်ရာအလေ့အကျင့်ကောင်းများ GAPစနစ်ဖြင့် စိုက်ပျိုးထားသော မိုးနှမ်းစိုက်ခင်းများတွင် နှမ်းရိုးမည်းအပါအဝင် မှိုရောဂါများကို ကာကွယ်နှိမ်နင်းနိုင်ရန် ထရိုင်ကိုဒါးမားအကျိုးပြုအဏုဇီဝမှိုကို စမ်းသပ်အသုံးပြုသွားမည် ဖြစ်ကြောင်း၊ အကျိုးပြုအဏုဇီဝမှို ထရိုင်ကိုဒါးမားမှိုကို နွားချေး၊ ဖွဲနုတို့ဖြင့်ရောနှော၍ ပွားများခြင်းကို ဇူလိုင်လ ၂ရက်နေ့က နှမ်းခါးကျေးရွာ၊ တောင်ယာပြင်ကျေးရွာနှင့် ရေရှင်မကျေးရွာတို့တွင် ဆောင်ရွက်ခဲ့ပြီး နောက်တစ်ပါတ်ကြာလျှင် ယခုပွားများထားသည့် ထရိုင်ကိုဒါးမား မြေဆွေးများအား နှမ်းပင်တန်းများကြား မြေကြီးထဲသို့ ထည့်သွင်းအသုံးပြုသွားမည် ဖြစ်ကြောင်း မြို့နယ်စိုက်ပျိုးရေးဦးစီးဌာနမှ သိရှိရသည်။

ဂန့်ဂေါမြို့နယ်အတွင်း နှမ်းနက်သီးနှံ ၁၇၂၀ ဧက ကို ကျေးရွာအုပ်စု ၂၁အုပ်စုတွင် စိုက်ပျိုးရေးဆိုင်ရာအလေ့အကျင့်ကောင်းများ GAPစနစ်နှင့်အညီ စိုက်ပျိုးဆောင်ရွက်ရာ မြောက်ခင်ရန်းရွာ၊ နှမ်းခါးရွာ၊ ရေရှင်မရွာ၊ တောင်ယာပြင်ရွာနှင့် မြောက်ကုန်းရပ်ကွက် တို့ရှိ မိုးနှမ်းGAPစံပြကွက်များတွင် ထရိုင်ကိုဒါးမားမှိုကို စမ်းသပ်အသုံးပြုသွားမည်ဖြစ်သည်။ ထရိုင်ကိုဒါးမားမှို၏ နှမ်းရိုးမည်းအပါအဝင် မှိုရောဂာများအား ကာကွယ်နှိမ်နင်းနိုင်စွမ်းအပေါ် တောင်သူများ လက်တွေ့သိမြင်ပြီး ထရိုင်ကိုဒားမားမှို ကို တောင်သူများ အကျွမ်းတဝင်သုံးစွဲလာစေရန် စမ်းသပ်စံပြကွက်များအဖြစ် ဆောင်ရွက်ပြသခြင်းဖြစ်ကြောင်းသိရသည်။

စိုက်ပျိုးရေးဦးစီးဌာန

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ