အိန္ဒိယက ပဲပိတ်ပင်မှု အနည်းငယ်ဖြေလျှော့

အိန္ဒိယဘက်ကို တင်ပို့နေတဲ့ မြန်မာ့ပဲ သုံးမျိုးကို ကန့်သတ်မှုတွေလုပ်ခဲ့ပေမဲ့ မနေ့ကတော့ ဖြေလျှော့မှုအချို့ ပြန်ပေးခဲ့ပါတယ်။

သြဂုတ်လ ၅ ရက်နေ့မတိုင်ခင်ကတည်းက အရောင်းအဝယ်စာချုပ်ချုပ်ပြီးတဲ့ ပို့ဖို့နောက်ကျနေတဲ့ ပဲတွေ၊ လမ်းတစ်ဝက်ရောက်နေတဲ့ပဲတွေကို တင်ပို့ခွင့်ပေးလိုက်တာဖြစ်ပါတယ်။ အခုလိုဖြေလျှော့ပေးလိုက်တဲ့ အတွက် ကုန်သည်တွေအတွက် အနည်းငယ်ပြေလည်သွားစေတယ်လို့ ပဲမျိုးစုံနဲ့နှမ်းလုပ်ငန်းအသင်း ဥက္ကဋ္ဌ ဦးထွန်းလွင်က ဘီဘီစီကို ပြောပါတယ်။

ဒါပေမဲ့လည်း ပဲကုန်သည်တွေနဲ့ ပဲစိုက်တောင်သူတွေအတွက် အသစ်ထပ်မံတင်ပို့ခွင့်မရသေးတာက အကျပ်အတည်းဖြစ်နေဆဲဖြစ်တယ်လို့ ပဲကုန်သည်တွေကပြောပါတယ်။

အိန္ဒိယနိုင်ငံကို အဓိကတင်ပို့နေတဲ့ မြန်မ့ာပဲ သုံးမျိုးအနက် ပဲစဉ်းငုံ တင်ပို့မှုကို သြဂုတ်လ ၄ ရက်နေ့မှာ စတင်ကန့်သတ်ခဲ့ပြီး သြဂုတ်လ ၂၁ ရက်နေ့မှာတော့ ကျန်တဲ့ ပဲနှစ်မျိုးကိုပါ ထပ်မံကန့်သတ်ခဲ့တာ ဖြစ်ပါတယ်။

#ဘီဘီစီမြန်မာပိုင်း

#ျမန္မာ့ပဲ

Source - https://www.facebook.com/bbcburmese/