စိုက်ပျိုးစရိတ်ချေးငွေများအပေါ် အတိုးနှုန်းများ လျော့ချပြင်ဆင်ကောက်ခံသွားမည်

မြန်မာနိုင်ငံတစ်ဝှမ်းလုံးရှိ တောင်သူလယ်သမားများအတွက် မြန်မာ့လယ်ယာဖွံ့ဖြိုးရေးဘဏ်မှ စိုက်ပျိုးရေးချေး ငွေများထုတ်ချေးခဲ့ရာ ၂၀၂၀ ခုနှစ် ဧပြီလ(၁)ရက်နေ့မှစတင်ပြီး စိုက်ပျိုးစရိတ်ချေးငွေများအပေါ် ကောက်ခံတဲ့အတိုးနှုန်းများ လျော့ချပြင်ဆင်ကောက်ခံသွားမှာဖြစ်ကြောင်း စီမံကိန်းဘဏ္ဍာရေးနှင့် စက်မှုဝန်ကြီးဌာန ထုတ်ပြန်ချက်အရ သိရပါတယ်။

စိုက်ပျိုးရေးလုပ်ငန်းများလုပ်ကိုင်သူ တောင်သူဦးကြီးများအနေနဲ့ စိုက်ပျိုးရေးဆိုင်ရာချေးငွေများကို အတိုးနှုန်းသက်သာစွာဖြင့် ရရှိနိုင်ရေးအတွက် လက်ရှိထုတ်ချေးပေးလျက်ရှိသော စိုက်ပျိုးစရိတ် ချေးငွေနဲ့ JICA, Tow Step Loan ချေးငွေ ၊ MEB ၊ Two Step Loan ချေးငွေများအပေါ် ကောက်ခံတဲ့အတိုးနှုန်းများကို လျော့ချပြင်ဆင်ကောက်ခံသွားမှာဖြစ်ကြောင်း သိရပါတယ်။

စိုက်ပျိုးစရိတ်ချေးငွေအမျိုးအစားကို တစ်နှစ်လျှင် ယခင်အတိုးနှုန်း ၈ ရာခိုင်နှုန်းအစား အခုလက်ရှိအတိုးနှုန်း ၇ ရာခိုင်နှုန်း ၊ JICA, Tow Step Loan ချေးငွေအမျိုးအစားကို တစ်နှစ်လျှင် ယခင်အတိုးနှုန်း ၈ ရာခိုင်နှုန်းအစား အခုလက်ရှိအတိုးနှုန်း ၆.၅ ရာခိုင်နှုန်းနဲ့ MEB ၊ Two Step Loan ချေးငွေအမျိုးအစာကို တစ်နှစ်လျှင် ယခင်အတိုးနှုန်း ၉ ရာခိုင်နှုန်းအစား အခုလက်ရှိအတိုးနှုန်း ၈ ရာခိုင်နှုန်း ကို လျှော့ချပြင်ဆင်ကောက်ခံသွားမှာဖြစ်ကြောင်း သိရပါတယ်။

တောင်သူများရဲ့ စုဆောင်းအပ်နှံငွေအပေါ် ပေးမယ့်အတိုးနှုန်းကိုလည်း ထုတ်ချေးငွေအပေါ်အတိုးနှုန်းနဲ့ လိုက်လျောညီထွေဖြစ်စေရန် တစ်နှစ်လျှင် ယခင်အတိုးနှုန်း ၈ ရာခိုင်နှုန်းမှ အခုလက်ရှိအတိုးနှုန်း ၆.၅ ရာခိုင်နှုန်း ပြင်ဆင်သွားမှာဖြစ်ကြောင်း သိရပါတယ်။

တောင်သူလယ်သမားများအတွက် စိုက်ပျိုးရေးဆိုင်ရာ ကုန်ထုတ်အရင်းအနှီးများအတွက် နှစ်စဉ် ရာသီအလိုက် စိုက်ပျိုးစရိတ်ချေးငွေနဲ့ စိုက်ပျိုးရေးနှင့် ကျေးလက်ဖွံ့ဖြိုးရေး ၂ ဆင့်ချေးငွေ (JICA, Two Step Loan) ချေးငွေတို့ကို မြန်မာ့စီးပွားရေးဘဏ်မှ နှစ်စဉ်ထုတ်ချေးပေးလျက်ရှိကြောင်း သိရပါတယ်။

တိုးတိုးခိုင်(ABM)