မြန်မာ့သရက်ဈေးကွက်အတွင်း ပြည်ပမျိုး သရက်သီးတချို့ ဝင်ရောက်နေရာယူနေ

မြန်မာ့သရက်ဈေးကွက်အတွင်း ပြည်ပမျိုး သရက်သီးတချို့ ဝင်ရောက်နေရာယူ ရောင်းချနေကြောင်း ဈေးကွက်ကျွမ်းကျင်သူများထံမှ သိရသည်။

အခုချိန်တော့ နိုင်ငံခြားမျိုးတွေပဲ ဈေးကွက်ထဲမှာ ကျန်တယ်။ စိမ်းချိုလို့ခေါ်တဲ့ ထိုင်းမျိုးလေ။ ညောင်ပင်ဝန်း ဒေသဘက်မှာတော့ အပျို့ပေါင် သရက်မျိုးလို့ ခေါ်ကြတာပဲ။ အဲ့ဒိသရက်သီးကို တစ်လုံး ၁၀၀၀ ကျပ်ဈေးနဲ့ ရောင်းနေကြတယ်။

ဟု မြန်မာ့သရက် ဈေးကွက်နှင့်နည်းပညာ ဖွံ့ဖြိုးတိုးတက်ရေးအသင်းမှ အထွေထွေအတွင်းရေးမှူး ဦးကျော်စိုးနိုင်က ပြောသည်။

မြန်မာ့စိန်တလုံးသရက် ဈေးကွက်တင်ပို့ချိန်မှာ ဧပြီလအလယ်မှ ဇူလိုင်လအကုန်အထိ ဖြစ်ပြီး၊ ယခုအချိန်သည် ပြည်ပတင်ပို့မှုများ ရပ်နားကာ သရက်ခြံများ အပင်ခေါင်ဖွင့်၊ ကိုင်းရှင်း၊ မြေဆီကျွေးမွေးခြင်းတို့ကို ပြုလုပ်၍ နောင်လာမည့်နှစ် သရက်ရာသီအတွက် ကြိုတင်ပြင်ဆင်နေကြချိန် ဖြစ်သည်။

သြဂုတ်လဆိုတော့ တရုတ်ပြည်ဘက် ဈေးကွက်က သရက်သီးအဝယ်နည်းသွားပြီ။ မန္တလေးဘက်မှာတော့ အခုလတ်တလောမှာ အများစုက ရင်ကွဲသရက်သီးတွေပဲ ရောင်းနေကြတယ်။ ကျွန်တော့်ခြံက မချစ်စုသီးတွေကတော့ သြဂုတ်လအလယ်လောက်အထိ ရနိုင်ပါတယ်။ ရှမ်းပြည်နယ်ဘက်က ခြံတွေမှာလည်း ရင်ကွဲသရက်တွေ ပမာဏနည်းနည်းတော့ ကျန်တယ်။

ဟု ဦးကျော်စိုးနိုင်က ဆက်လက်ပြောသည်။

ပြည်တွင်းစားသုံးမှုနှုန်းထားကို လေ့လာကြည့်ပါက ထွက်ရှိသည့် သရက်သီးပမာဏ (၃)ပုံ အနက် (၂)ပုံခန့်ကို သာ အရည်အသွေးအကောင်းဆုံး ပြည်ပပို့ကုန်အဖြစ် တင်ပို့ရောင်းချနိုင်ပြီး ကျန်ရှိနေသည့် သရက်သီး (ပယ်သီး) များကို Value added ပြုလုပ်၍ တန်ဖိုးမြှင့်ထုတ်ကုန်အဖြစ် ပြောင်းလဲထုတ်လုပ်နိုင်ပါက သရက်ဈေးကွက်အတွက် ရေရှည်ဈေးကွက်တစ်ခု ဖြစ်ထွန်းလာနိုင်ကြောင်း ဦးကျော်စိုးနိုင်က ဆိုသည်။

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ