မြန်မာ့သီးနှံ(၃)မျိုးရဲ့ အရည်အသွေးနဲ့ စံချိန်စံညွှန်းတွေကို သုတေသနဆောင်ရွက်နေ

တရုတ်စျေးကွက်ကို တင်ပို့နိုင်ရန်အတွက် မြန်မာ့သီးနှံ (၃) မျိုးရဲ့ အရည်အသွေးနဲ့ စံချိန်စံညွှန်းတွေကို သုတေသနပြုဆောင်ရွက်နေတာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

မြန်မာ့သီးနှံ (၃) မျိုးဖြစ်တဲ့ ဖရဲ၊ သခွှားမွှေး၊ အစေ့ထုတ်ပြောင်းတို့ကို တရုတ်စျေးကွက် စံချိန်စံညွှန်းနဲ့ အရည်အသွေးရရှိစေနိုင်ဖို့အတွက် စမ်းသပ်စိုက်ပျိုး သုတေသနပြုလုပ်နေတာဖြစ်တယ်လို့ စိုက်ပျိုးရေးသုတေသနဦးစီးဌာနမှ ညွှန်ကြားရေးမှူးချုပ် ဦးနိုင်ကြည်ဝင်းကပြောပါတယ်။

ဖရဲ၊ သခွားမွှေး၊ အစေ့ထုတ်ပြောင်းကို စျေးကွက်စံချိန်စံညွှန်းနဲ့ အရည်အသွေးနဲ့အညီ ဖော်ထုတ်နေတယ်။ ပထမတစ်ရာသီတော့ စမ်းသပ်ပြီးသွားပါပြီ။ အခု ဒုတိယတစ်ရာသီ ထပ်ပြီးတော့စမ်းသပ် သွားမယ်။နောက်တတိယရာသီမှာသုတေနသစမ်းသပ်တာအောင်မြင်သွားပြီဆိုလို့ တရုတ်စျေးကွက်အကြိုက် ဖြစ်သွားပြီဆိုရင် တင်ပို့နိုင်မှာပါ

ဖရဲ၊ သခွားမွှေး၊ အစေ့ထုတ်ပြောင်းကို အာဆီယံအရည်အသွေးနဲ့ စံချိန်စံညွှန်းအတိုင်းတင်ပို့နိုင်ရေးအတွက် သုတေသနပြုဆောင်ရွက်နေတာဖြစ်ကြောင်း အဆိုပါဌာနမှ သိရပါတယ်။

အဆိုပါသုတေသနဖော်ထုတ်နိုင်ရေးအတွက် တရုတ်ပြည်သူ့သမ္မတနိုင်ငံနဲ့ နားလည်မှုစာချွန်လွှာ MoU ကို ၂၀၁၈ခုနှစ်အတွင်းက ရေးထိုးကာ ပူးပေါင်းဆောင်ရွက်နေတာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ