စားသုံးမှုစိတ်ချရတဲ့ ဟင်းသီးဟင်းရွက်များကို ရာသီမရွေးစိုက်ပျိုးနိုင်ရန် သုတေသနဆောင်ရွက်နေ

စားသုံးမှုစိတ်ချရတဲ့ ဟင်းသီးဟင်းရွက်များကို တစ်နှစ်ပတ်လုံးရာသီမရွေးစိုက်ပျိုးနိုင်ရန် သုတေသနစီစဉ်ဆောင်ရွက်နေတာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

တောင်သူများ တစ်နှစ်ပတ်လုံးစိုက်ပျိုးနိုင်ဖို့အတွက် အမိုးအကာနဲ့စိုက်ပျိုးတဲ့ နည်းပညာသုတေသနကို ဖော်ဆောင်နေတာဖြစ်တယ်လို့ စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးချုပ် ဦးသန့်လွင်ဦးကပြောပါတယ်။

အခုက တစ်နှစ်ပတ်လုံး တောင်သူတွေ ဟင်းသီးဟင်းရွက်တွေကို စိုက်ပျိုးနိုင်ဖို့အတွက် အမိုးအကာနဲ့ စိုက်ပျိုးတဲ့ နည်းပညာသုတေသနကို ဆောင်ရွက်နေတာပါ။ နောက်ထပ်လည်း ဟင်းသီးဟင်းရွက်ဖြစ်ထွန်းမှုများတဲ့ နေရာတွေမှာ ဆက်လက်ပြီး သုတေသနဆောင်ရွက်သွားဖို့ ရှိပါတယ်

သုတေသနတွေ့ရှိချက်များအရ ဟင်းသီးဟင်းရွက်များ စိုက်ပျိုးဖြစ်ထွန်းမှုအများဆုံးဒေသများဖြစ်တဲ့ ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ရွှေညောင်မြို့မှာရှိတဲ့ တာယောစိုက်ပျိုးရေးသုတေသနခြံနဲ့ တနင်္သာရီတိုင်းဒေသကြီး ထားဝယ် (၇)မိုင် စိုက်ပျိုးရေးသုတေသနခြံများမှာ ဆက်လက်သုတေသနဖော်ဆောင်သွားမှာဖြစ်ကြောင်း သိရပါတယ်။

အဆိုပါသုတေသနကို ၂၀၁၈ ခုနှစ်မှ ၂၀၂၀ ခုနှစ်အထိ သုတေသနပြုဆောင်ရွက်နေတာဖြစ်ပြီး ကိုရီးယားအပြည်ပြည်ဆိုင်ရာ စိုက်ပျိုးရေးပူးပေါင်းဆောင်ရွက်မှု စီမံကိန်းအဖွဲ့ နဲ့ပူးပေါင်းဆောင်ရွက်တာ ဖြစ်ကြောင်းလည်း စိုက်ပျိုးရေးသုတေသနဦးစီးဌာနမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ