မြေပဲသီးနှံမျိုးသစ် ရှာဖွေခြင်း သုတေသန

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန (MOALI) ၊ စိုက်ပျိုးရေးသုတေသနဦးစီးဌာန (DAR-ရေဆင်း) သည် ပြောင်းလဲလာသောရာသီဥတုနှင့် လိုက်လျောညီထွေသော မျိုးသစ်များရှာဖွေခြင်း သုတေသန (Climate Change Adaptation Research) လုပ်ငန်းများကို ဆောင်ရွက်လျက်ရှိရာ၊ ဆီထွက်သီးနှံတစ်ခုဖြစ်သော မြေပဲသီးနှံမျိုးသစ်များကို သုတေသနပြုဆောင်ရွက်လျက်ရှိပါသည်။

ဆီထွက်သီးနှံသုတေသနဌာနစုမှ ဒေါက်တာခင်မျိုးဝင်းနှင့် ဒေါ်စိမ်းလဲ့မွန်တို့ဦးဆောင်သော သုတေသနပညာရှင်များအဖွဲ့မှ သက်လျင်အထွက်ကောင်း မြေပဲမျိုးသစ်၊ ရေငတ်ဒဏ်ခံနိုင်သောမြေပဲမျိုးသစ်၊ ရွက်ပြောက်ရောဂါဒဏ်ခံနိုင်သော မြေပဲမျိုးသစ်နှင့် အစေ့စား မြေပဲမျိုးသစ်မျိုးကို မျိုးကူးစပ်ရွေးချယ်ရှာဖွေလျက်ရှိရာ မကြာမီမျိုးသစ်များ ထွက်ရှိလာတော့မည်ဖြစ်ပါသည်။

မြေပဲမျိုးများအဖြစ် ရေငတ်ဒဏ်ခံနိုင်သော ဆင်းပဒေသာ (၆)၊ ဆင်းပဒေသာ (၁၂)၊ သက်လျင်အထွက်ကောင်းမျိုးဖြစ်သော ဆင်းပဒေသာ (၇)၊ အထွက်ကောင်းမျိုးမြေပဲဖြစ်သော ဆင်းပဒေသာ (၁၁) နှင့် ဆင်းပဒေသာ (၁၃) တို့သည် စိုက်ပျိုးရေးသုတေသနဦးစီးဌာန (DAR)၏ သုတေသနရလဒ်များဖြစ်ပြီး တောင်သူလက်ဝယ်အရောက် ဖြန့်ဝေနိုင်ခဲ့၍ တောင်သူများစီးပွားဖြစ်စိုက်ပျိုးနိုင်အောင် အထောက်အကူပြုခဲ့သော မြေပဲသီးနှံသုတေသနလုပ်ငန်းအား တင်ပြအပ်ပါသည်။

စိုက်ပျိုးရေးပြန်ကြားရေးဌာနစိတ်

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ