စပါးကလည်း ထွက်ပါ၏ တောင်သူကလည်း ရှုံးပါ၏

နွေစပါးလယ်တစ်ဧကအား ထွန်ယက်ခြင်းမှစတင် ကာ ရိတ်သိမ်းချိန်အထိ အဆင့်ဆင့်ဆောင်ရွက်မှုများနှင့် ကုန်ကျမှုနှုန်းထားများကို တွက်ချက်ပါက လယ်တစ်ဧက လျှင် အချိန်သုံးလမှ လေးလခန့်ကြာမြင့်ပြီး ငွေကြေးအားဖြင့် လက်ရှိပေါက်ဈေးအရ သုံးသိန်းဝန်းကျင်ခန့် ကုန်ကျနိုင် ပါသည်။ စတင်ထွန်ယက်ရာတွင် စက်ဖြင့် မြေကြမ်းနှစ်လွှာ ခွဲခြင်း၊ ဆည်ရေမရသည့် လယ်ဆိုပါက စက်ဖြင့်ရေတင်ရ ခြင်း၊ ထို့နောက် ထွန်စက်ကြီးဖြင့် နှစ်လွှာခုတ်ပြီးပါက ရေထပ်တင်ပြီးနောက် မျိုးစပါးသုံးတင်းကြဲရပါသည်။ ယင်းနောက် ပေါင်းမြက်သတ်ဆေးနှင့် ဓာတ်မြေသြဇာ ကျွေးခြင်းများ ဆောင်ရွက်ခြင်း၊ မြေဆီကြဲခြင်း၊ ပိုးသတ် ဆေးဖျန်းခြင်းများ ဆောင်ရွက်ခြင်းနှင့် ရိတ်သိမ်းခြင်း စသည်ဖြင့် အဆင့်ဆင့်ဆောင်ရွက်ကြရပါသည်။

လုပ်ကွက်ငယ် တောင်သူလယ်သမားအများစု၏ အကျိုးစီးပွားအတွက်ဟုရည်ရွယ်ကာ ၄၆ ပေါင်ကိုက် စပါးတင်း ၁၀ဝလျှင် ကျပ်ငါးသိန်းကို အခြေခံစပါးဈေး နှုန်း အဖြစ်သတ်မှတ်လိုက်ကြောင်း မြန်မာနိုင်ငံဆန်စပါး အသင်းချုပ်မှ ၂၀၁၈ ခုနှစ် မတ် ၆ ရက်တွင် အသိပေး ထုတ်ပြန်ခဲ့သည်။

သို့ရာတွင် ယနေ့လက်ရှိ၌ ပဲခူးတိုင်းဒေသကြီးတွင် နွေရာသီစပါးထွက်ရှိနေသော်လည်း ဝယ်ယူသူမရှိသဖြင့် မြန်မာနိုင်ငံဆန်စပါးအသင်းချုပ်က ထိန်းညှိဝယ်ယူပေး နေရသည်။ ယင်းသို့ဝယ်ယူရာတွင် စပါးအမျိုးအစားအလိုက် တင်း ၁၀ဝ လျှင် ငွေကျပ် လေးသိန်းလေးသောင်းမှ လေး သိန်းခြောက်သောင်းအထိ ပေးဝယ်လျက်ရှိပြီး ဒေသခံပြည်သူ များအနေဖြင့်လည်း ကုန်ကျစရိတ် များကြောင့် စပါးတင်း ၁၀ဝ လျှင် ကျပ်ငါးသိန်းမှ ငါးသိန်းခွဲခန့်ရရှိမှသာလျှင် အမြတ်အစွန်းကျန်ရှိနိုင်မည်ဖြစ်ပြီး လက်ရှိဈေးကွက်အရ အရှုံးပေါ်နေကြကြောင်း သိရသည်။

သတင်းအပြည့်အစုံဖတ်ရန်

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ