ရော်ဘာစျေးနှုန်းအရင်နှစ်ထက် ကျဆင်းနေ

ယခင်နှစ်ထက် ရွှေကျင်က ထွက်ရှိနေတဲ့ ရော်ဘာမှာ စျေးနှုန်းကျဆင်းနေတယ်လို့ ရွှေကျင်မြို့ နယ်ရော်ဘာစိုက်ပျိုးထုတ်လုပ်သူများအသင်းမှ သိရပါတယ်။

လမ်းပန်းဆက်သွယ်ရေးနဲ့ ရော်ဘာအရည်အသွေးများကြောင့် အရင်နှစ်ထက်စျေးနှုန်းကျဆင်း တာဖြစ်တယ်လို့ ရွှေကျင်မြို့နယ် ရော်ဘာစိုက်ပျိုးထုတ်လုပ်သူများအသင်းမှ အတွင်းရေးမှူး ဦး ခင်မောင်သက်ကပြောပါတယ်။

“ဒီနှစ်လည်းမနှစ်ကနဲ့စာရင် နည်းနည်းတော့ကျဆင်းနေတယ်။ တစ်ပေါင်ကို ၅၀ လောက်ကျသွား ပါတယ်။ စျေးနှုန်းကျတာကတော့ ကျန်တဲ့စျေးကွက်ကိုပို့တဲ့အချိန်မှာ လမ်းပန်းဆက်သွယ်ရေး အခက်အခဲတွေ နဲ့ အရည်အသွေးတွေကြောင့် စျေးနှုန်းကျဆင်းတာပါ”

ရော်ဘာကို တရုတ်နိုင်ငံကိုအဓိကထားတင်ပို့နေတာဖြစ်ပြီး အခြားပြည်ပစျေးကွက်နိုင်ငံများကိုလည်း စတင်တင်ပို့နေကြောင်း အဆိုပါအသင်းမှသိရ ပါတယ်။

ရော်ဘာနေလှန်းပြား တစ်ပေါင်ကို ၆၃၀ ကျပ်ဝန်းကျင်ရှိပြီးမှိုင်းခံရာဘာ နံပါတ်(၃)အမျိုးအစားမှာ တစ်ပေါင်ကို ၇၅၅ကျပ် ရှိကြောင်း ရွှေကျင်မြို့နယ် ရော်ဘာစိုက်ပျိုးထုတ်လုပ်သူများအသင်းရဲ့ စျေးနှုန်းများအရသိရ ပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ