မြေဆီလွှာဖွဲ့စည်းမှုကို မိမိကိုယ်တိုင်လွယ်ကူစွာ စမ်းသပ်နိုင်ပါသည်။ ထမင်းစားဇွန်း ၁ ဇွန်းစာမြေကိုယူပြီး ရေနှင့်နူး၍ ‘လောက်စာလုံး’ သကဲ့သို့လုံးရသည်။ ထို့နောက် မြေလုံးကို လက်နှစ်ဖက်ဖြင့် ဖဲပြားကြိုးကဲ့သို့ဖြစ်အောင်လိပ်ရသည်။ ဖဲပြားကြိုးကဲ့သို့ဖြစ်လာလျှင် ထိုမြေသည် ရွှံ့စေးမြေ သို့မဟုတ် ရွှံ့စေးများသောမြေဖြစ်သည်။ ရွှံ့စေးမြေသည် စေကပ်သဖြင့် လက်ဝါးတွင် ရွှံ့ပေကျံနိုင်သည်။
အကယ်၍ ဖဲပြားကြိုးကဲ့သို့ဖြစ်လာသောမြေသည် မစေးကပ်ပဲ ချောမွတ်နေလျှင် နုန်းစနယ်မြေ (Silty clay) ဖြစ်နိုင်သည်။
တစ်ဖန်သဲတရှပ်ရှပ်ဖြစ်နေလျှင် သဲစနယ်မြေ (Sandy clay) ဖြစ်သည်။
အကယ်၍ ဖဲပြားကြိုးကဲ့သို့ ပြုလုပ်ထားသောမြေသည် ခပ်ဖွာဖွာဖြစ်နေပြီး အစိုင်အခဲကလေးများဖြစ်နေလျှင် ထိုမြေသည် နုန်းဖြစ်စေ၊ သဲဖြစ်စေ၊ သဘာဝမြေသြဇာဖြစ်စေ များပြားနေသည်။ ထိုမြေသည် နုန်းမြေ (Loam soil) မြေဖြစ်နိုင်သည်။
ရေမည်မျှထည့်သည်ဖြစ်စေ မြေကိုလုံး၍သော်လည်းကောင်း ဖဲပြားကြိုးကဲ့သို့ လိပ်၍သော်လည်းကောင်းမရဘဲကွဲသွားလျှင် ထိုမြေသည် သဲမြေ (Sandy soil) ဖြစ်သည်။ စမ်းကြည့်လျှင် သဲတရှပ်ရှပ်ဖြစ်နေပြီး မြေမှုန်တစ်ခုချင်းကိုတွေ့ထိရပါသည်။
နည်းပညာများကို ဒေါက်တာချစ်၏ “စားဖို့ စိုက်စို့ ဈေးကွက်တိုးချဲ့ဗျို့ အတွဲ(၁)” စာအုပ်မှ ကောက်နုတ်ဖော်ပြပါသည်။
East West Seed Myanmar ကြော်ငြာ
Shwe La Won
ATRIA
ရွှေမြား
တောင်ပေါ်သား
တောင်ပေါ်သူ