ကြက်သွန်အဟောင်းများ အထားမခံချိန်ဖြစ်သဖြင့် ဈေးလျော့ရောင်းချနေရ

ကြက်သွန်အဟောင်းများ အထားမခံချိန်ဖြစ်ပြီး ကြက်သွန်အသစ်များပေါ်ချိန်ဖြစ်သဖြင့် အဟောင်းများကို ဈေးလျော့ရောင်းချနေရကြောင်း ကုန်သည်များထံမှ သိရသည်။

ကြက်သွန်အဟောင်းက အထားမခံတော့ဘူး။ ရာသီကုန်သွားပြီ။ မိုးကြက်သွန် တွေပေါ်လာပြီ။ ဒီတော့ အဟောင်းတွေက စျေးအေးကုန်တယ်။ အသစ်တွေက ပိုအရောင်းသွက်နေတာပေါ့။ အဟောင်းတွေက ဥတွေကနေ အညှောင့်တွေထွက် အပင်ကွဲထွက်လာတယ်။ အဲ့ဒီတော့ အထားလည်းမခံတော့ဘူး။ နိုင်ငံခြားကိုလည်း တင်ပို့လို့က မရတော့ဘူးလေ။ သယ်ယူတဲ့အခါကျတော့လည်း အမြိတ်တွေထွက်နေတဲ့အခါကျတော့ ပျော့ကုန်တာပေါ့။ ဆုံးရှုံးမှုများတာပေါ့။ ဒါ့ကြောင့် လူတွေက သိပ်မသုံးချင်ကြတော့ဘူး။

ဟု မန္တလေးတိုင်း၊ မြင်းခြံခရိုင်၊ မြင်းခြံမြို့၊ ကျေးရွာမှ ကြက်သွန်စီးပွားဖြစ်စိုက်ပျိုးသူ ဦးဝင်းမြင့်ဌေးက ပြောသည်။

ယခုကာလသည် အောက်တိုဘာလပိုင်းက စတင်စိုက်ပျိုးခဲ့သည့် မိုးကြက်သွန် (ဥစိုက်၊ ပင်ထောင်) များ ပေါ်ချိန်ဖြစ်ပြီး၊ ဒီဇင်ဘာလကုန် ဇန်နဝါရီလဆန်းတွင် ကြက်သွန်စိုက်ပျိုးရာသီသို့ ပြန်လည်ရောက်ရှိတော့မည် ဖြစ်သည်။

ဈေးကွက်ကတော့ သိပ်မထူးခြားပေမယ့် ကိုဗစ်ကြောင့်မို့လို့ သယ်ယူစရိတ်မြင့်တက်တယ်။ ကျွန်တော်တို့ဒေသကနေ မြင်းခြံမြို့ပေါ်၊ မြင်းခြံကနေမှ ပွဲစားတွေဆီ၊ ပြီးတော့ ပွဲရုံတွေရောက်၊ ပွဲရုံတွေကနေမှ ရန်ကုန်ပို့၊ ရန်ကုန်ကနေမှ မော်လမြိုင်၊ ဘင်္ဂလားဒေ့ရှ်၊ ထိုင်းနိုင်ငံတွေအထိ အဆင့်ဆင့်တွေ တင်ပို့ရာမှာ ကုန်ကျစရိတ်တွေ ပိုများလာတယ်။

ဟု ကြက်သွန်ကုန်သည်တစ်ဦးက ပြောသည်။

တောင်သူ - ဒိုင်သွင်းဈေးအနေဖြင့် နွေကြက်သွန် တစ်ပိဿာလျှင် (၂၀၀) (၂၅၀) (၃၅၀) အထိ ဈေးနှုန်းများ ကျဆင်းနေပြီး၊ မိုးကြက်သွန် တစ်ပိဿာလျှင် (၆၀၀) (၇၅၀) (၈၀၀) ကျပ် ဈေးနှုန်းများဖြင့် ရောင်းဝယ်နေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ