အစိမ်းရောင်လမ်း
Greenovator
တရုတ်နိုင်ငံကို စစ်ဆေးပြီးသား မြန်မာ့ဆန်စက် ကုမ္ပဏီပေါင်း (၄၀)ကျော်စာရင်း ပေးပို့သွားမှာ ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူးက ဧရာဝတီတိုင်းဒေသကြီး ဓနုဖြူမြို့နယ် ဒေသခံတောင်သူလယ်သများ တွေ့ဆုံဆွေးနွေးပွဲမှာပြောကြားခဲ့ပါတယ်။
မြန်မာနိုင်ငံက ဆန်စက်ပေါင်း(၁၀၀)ကျော်ထဲမှ ပိုးမွှားအန္တရာယ်ကင်းရှင်းတဲ့ ဆန်စက်ပေါင်း (၄၀) ကျော်ရဲ့စာရင်းကို ရွေးထုတ်နိုင်ခဲ့ပြီး ပေးပို့သွားမှာဖြစ်တယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူးက ပြောခဲ့ပါတယ်။
“ဆန်စက်ပေါင်း ၁၀၀ ကျော်ကို စစ်ဆေးမှုတွေပြုလုပ်ပြီးတဲ့အခါကျတော့ ကုမ္ပဏီပေါင်း ၄၀ ကျော်ကို ကျွန်တော်တို့ရွေးထုတ်နိုင်ခဲ့ပါတယ်။ ဒီကုမ္ပဏီရဲ့စာရင်းတွေကိုကျွန်တော်တို့အနေနဲ့ တရုတ်နိုင်ငံဘက်ကိုပေးပို့ဖို့ရှိပါတယ်။ အဲလိုစစ်ဆေးပြီးသားဆန်စက်များရဲ့စာရင်း အဲ့ဒါရောက်သွားတာနဲ့ အမျှ တရုတ်နိုင်ငံဘက်ကိုတင်ပို့မှုတွေ ပြန်လည်စတင်တော့မှာဖြစ်ပါတယ်”
မကြာသေးခင်အချိန်က တရုတ်ဘက်မှ ပိုးမွှားအန္တရာယ်ကာကွယ်မှုစနစ်ကို ပိုမို၍တင်းတင်းကျပ်ကျပ် ဆောင်ရွက်လိုက်တာကြောင့် နယ်စပ်လမ်းကြောင်းများမှာ ဆန်၊ ပြောင်းစတဲ့ကုန်ပစ္စည်းများ မထွက်နိုင်ခဲ့ကြောင်းလည်း ပြောကြားခဲ့ပါတယ်။
ယခင်က တရုတ်ဘက်ကို တင်ပို့ခွင့်ရတဲ့ မြန်မာ့ဆန်စက်ကုမ္ပဏီ (၁၁) ခုဝန်းကျင်သာရှိခဲ့ကြောင်း သိရပါတယ်။
နယ်စပ်ကုန်သွယ်မှုစနစ်၊ ကုန်ပစ္စည်းချင်းဖလှယ်စနစ်နဲ့ နှစ်နိုင်ငံကုန်သွယ်မှုစနစ်တို့ဖြင့် တင်ပို့နေတာဖြစ်ကြောင်းလည်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူးက ပြောကြားခဲ့ပါတယ်။
တိုးတိုးခိုင်(ABM)
CPP Fertilizer Company ကြော်ငြာ
ဟာမိုဇင်းပလပ်(စ်)
ဟော့(ပ်)ရိုး(လ်)
ကောင်စယ်
အီမီဒါနေး(လ်)
ပေါ်စီလန်
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
Login With Google
{{ question.title }}