ငွေနှင်းမှိုစိုက်ပျိုးရာတွင် မျိုးထုပ်အသစ်နှင့် အဟောင်း ရောထွေးမစိုက်ပျိုးသင့်

ငွေနှင်းမှိုစိုက်ပျိုးရာတွင် မျိုးထုပ်အသစ်နှင့် အဟောင်း ရောထွေးမစိုက်ပျိုးသင့်ကြောင်း စီးပွားဖြစ် မှိုခြံလုပ်ငန်းလုပ်ကိုင်နေသူများထံမှ သိရသည်။

ငွေနှင်းမှိုကို ပိုးကောင်၊ မွှားကောင်၊ ယင်ကောင်တွေနဲ့ တအားနီးတဲ့နေရာမျိုးတွေမှာ မစိုက်သင့်ဘူး။ စိုက်ပျိုးတာကြာနေတဲ့ အထုပ်ဟောင်းနဲ့ အခုမှစစိုက်တဲ့ အထုပ်သစ်တွေနဲ့ကို တွဲမစိုက်သင့်တာလည်း သတိထားရမယ်။ နဂိုစိုက်ထားတာ (၂) လလောက်ကြာနေတဲ့ ရုံဟောင်းထဲကို အထုပ်သစ်တွေ ထည့်စိုက်တော့မယ်ဆိုရင် နဂိုအထုပ်ဟောင်းကို ဖယ်ရှားပြီးမှ အသစ်တွေဖြည့်စိုက်ရင်စိုက်၊ ဒါမှမဟုတ်ရင်လည်း ရုံတစ်ရုံ အသစ်ထပ်ဆောက်ပြီးမှ စိုက်သင့်တယ်။

ဟု ရန်ကုန်တိုင်းဒေသကြီး၊ မှော်ဘီမြို့နယ်၊ မှော်ဘီတိုးဂိတ်အနီးရှိ ငွေနှင်းမှိုစိုက်ပျိုးရေးနှင့် မှိုမျိုးထုတ်လုပ်ရေး လုပ်ကိုင်သူ မဇာဇာလွင်(ခ)ဆည်းဆာ က ပြောသည်။

မှိုထုပ်အတွင်း ပိုးကျရောက်နေခြင်းကို စောလျင်စွာမသိရှိပါက မှိုရုံတစ်ရုံလုံး ပျက်စီးဆုံးရှုံးမှုနှင့်ရင်ဆိုင်ရနိုင်ကြောင်း သိရသည်။

အဓိကက မိုးတွင်းမှာ အဖြစ်များတာပေါ့နော်။ မှိုထုပ်အဟောင်းတွေနဲ့ တွဲထည့်ပြီး စိုက်ပျိုးမယ်ဆိုရင် လိမ္မော်ရောင်မှိုရောဂါ၊ ပယ်နဆလင်အစိမ်းတို့ ကျရောက်လာတတ်တယ်။ မှိုထုပ်အဟောင်းမှာရှိနေတဲ့ရောဂါက အထုပ်သစ်ဆီ ကူးစက်လာနိုင်တာပါ။ ကျန်တဲ့အချိန်တွေထက်စာရင် မိုးတွင်းဆို ပြဿနာပိုရှိနိုင်ပါတယ်။

ဟု ၎င်းက ဆက်လက်ပြောသည်။

ငွေနှင်းမှိုသည် အပူချိန်နှင့် စိုထိုင်းဆကို လိုအပ်သလို ဖြည့်ဆည်းပေးနိုင်ပါက ဒေသမရွေး ရာသီမရွေး စိုက်ပျိုး၍ရသည့် မှိုမျိုးတစ်ခုဖြစ်ပြီး၊ စီးပွားဖြစ်စိုက်ပျိုးရာတွင် ကြိုးဆွဲစနစ်နှင့် စင်စနစ် ဟူ၍ စိုက်ပျိုးစနစ် (၂) မျိုးဖြင့် စိုက်ပျိုးကြသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ