သရက်သီးရှားပါးချိန်ဖြစ်သဖြင့် သရက်ကင်းဈေးကွက် အရောင်းသွက်နေ

ယခုအချိန်သည် သရက်သီးရှားပါးလာသည့်အချိန်ဖြစ်သဖြင့် သရက်ကင်း (ငပိချက်ဖြင့် တို့မြှုပ်စားကြသည့် သရက်) ဈေးကွက်မှာ အရောင်းသွက်နေကြောင်း မန္တလေးတိုင်း၊ စဉ့်ကိုင်မြို့နယ်မှ သရက်စိုက်တောင်သူများထံမှ သိရသည်။

ဝါဆိုလမှာ သီးတဲ့သရက်တွေကို အကင်းခူးရောင်းနေပါတယ်။ ကျွန်တော်တို့ အဖိုးအဖွားတွေလက်ထက်တုန်းကတည်းက စိုက်ထားခဲ့တဲ့ အပင်တွေဖြစ်ပါတယ်။ မြန်မာသရက် (ခေါ်) ဝါဆိုသရက်သီးပါ။ ကျွန်တော်တို့နယ်ဘက်မှာက နောက်စွဲ၊ နောက်သီးဆိုတာက မချစ်စုသီးနဲ့ ဝါဆိုသီးလို့ လူသိများတဲ့အသီးတွေက သရက်အကင်းအနေနဲ့ စားကောင်းတော့ ရောင်းချရတာလည်း မြန်ပါတယ်။

ဟု မန္တလေးတိုင်း၊ စဉ့်ကိုင်မြို့နယ်မှ သရက်စိုက်တောင်သူ ကိုဇင်မင်း က ပြောသည်။

ဒေသတွင်းဈေးကွက်၌ သရက်ကင်းတစ်လုံးလျှင် ၁၀၀ ကျပ်၊ တစ်ထုပ်လျှင် ၅၀၀ ကျပ် ဈေးများဖြင့် ရောင်းချနေ ကြောင်း သိရသည်။

သရက်ကင်းဈေးကွက်က အခုနေ ထွက်ရှိတာနည်းသေးလို့ ရွာဈေးတန်းတွေနဲ့ ပလိပ်ဈေးကိုပဲ ရောင်းဖြစ်တာပါ။ ဈေးက သရက်သီးရှားတဲ့အချိန်လေးဖြစ်တာမို့လို့ အရောင်းလို့သွက်နေပါတယ်ခင်ဗျ။

ဟု ကိုဇင်မင်း က ဆက်လက်ပြောသည်။

သရက်ပင်များသည် သရက်ပေါ်ချိန်မှာတစ်ခါသီးပြီး သရက်သီးအစေ့ရှပ်ချိန်မှာ ပန်းတစ်ကြိမ်ပြလေ့ရှိသည်။ ရှေ့အသီးမှည့်ချိန်၌ အလယ်သီးများက အစေ့ရှပ်လေ့ရှိပြီး၊ ထို့နောက်တွင် ပန်းတစ်ကြိမ်ထပ်ပြသည်။ အဆိုပါ ဒုတိယပန်းပြသည့်အချိန်မှာ ဝါဆိုလဖြစ်သည့်အတွက်ကြောင့် “ဝါဆိုသီး” ဟု ခေတ်အဆက်ဆက်က ခေါ်ဝေါ်ခဲ့ကြခြင်းဖြစ်သည်။

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ