မြေချဉ်ငံဓာတ်နှင့် အစိုဓာတ်ကို တိုင်းတာနိုင်သည့် ကိရိယာ ငှားရမ်း အသုံးပြုနိုင်

စာနပ်ရိက္ခာ ဖူလုံရေး ပူးပေါင်းဆောင်ရွက်မှု အဖွဲ့၏ ဒေသဆိုင်ရာ ရုံးခွဲများမှာ မြေချဉ်ငံဓာတ်တိုင်း ကိရိယာတွေကို ၎င်း၏ အဖွဲ့ဝင်များကို ငှားရမ်းအသုံးပြုခွင့် ပြုထားပါတယ်။ မြေချဉ်ငံဓာတ်တိုင်း ကိရိယာမှ တစ်ဆင့် မြေကြီးအတွင်းရှိ ချဉ်ငံဓာတ် နှင့် အစိုဓာတ်များကို လွယ်ကူစွာ တိုင်းတာနိုင်ပါတယ်။ ထိုပစ္စည်းကို အိမ်တွင်းအိမ်ပြင် အပင်များ၊ ဥယျာဉ်ခြံများနှင့် သီးနှံစိုက်ခင်းများတွင် မြေကြီး၏ ချဉ်ငံဓာတ်၊ အစိုဓာတ် တိုင်းတာခြင်းများကို အသုံးပြုနိုင်မှာပါ။ ထို့ကြောင့် အသုံးပြုလိုသော အဖွဲ့ဝင်များအနေဖြင့် စာနပ်ရိက္ခာ ဖူလုံရေး ပူးပေါင်းဆောင်ရွက်မှု အဖွဲ့၏ ဒေသဆိုင်ရာ ရုံးခွဲများသို့ သွားရောက်ပြီး အခမဲ့ ငှားရမ်း နိုင်ပါပြီ။ စာနပ်ရိက္ခာ ဖူလုံရေး ပူးပေါင်းဆောင်ရွက်မှု အဖွဲ့၏ မူဝါဒများ အရ ဒေသတွင် အဖွဲ့များနှင့် ချိတ်ဆက် ဆောင်ရွက်သည့် အတွက်ကြောင့် စိုက်ပျိုးသူ တောင်သူများ အနေဖြင့် မိမိတို့ဒေသရှိ ဖွံ့ဖြိုးရေး အဖွဲ့စည်းများမှ တစ်ဆင့် ဆက်သွယ်ဆောင်ရွက်ရန် အကြံပြုလိုပါသည်။

စာနပ်ရိက္ခာ ဖူလုံရေး ပူးပေါင်းဆောင်ရွက်မှု အဖွဲ့၏ ဒေသဆိုင်ရာ ရုံးခွဲများကို မကွေး၊ ဖျာပုံ နှင့် နောင်ခမ်း (ရှမ်းပြည်နယ်) တို့တွင် ဖွင့်လှစ်ထားကြောင်း သိရပါတယ်။ အဆိုပါ ကိရိယာကို ဝယ်ယူလိုပါက ရန်ကုန်မြို့ရှိ မြေပဒေသာကျွန်း၊ ကန်တော်ကြီးတွင် သွားရောက်ဝယ်ယူနိုင်ပါတယ်။