ကိုယ်တိုင်လုပ်မယ့် ပဲငံပြာရည်

ပဲငံပြာရည်ကို အထူးသဖြင့် သက်သတ်လွတ်ဟင်းများ၌ ငါးငံပြာရည်အစား အသုံးပြုလာကြပါသည်။ ပဲငံပြာရည်ပြုလုပ်ဖို့ ရှမ်းပဲပုပ်(သို့)ပဲပိစပ်၊ တစေး၊ ထန်းလျက် (သို့) ကြံသကာနှင့် ဆားတို့လိုအပ်ပါသည်။

ပြုလုပ်နည်းမှာ

၁။ ရှမ်းပဲပုပ် သို့မဟုတ် ပဲပိစပ်များကို ပွလာအောင် တစ်ညရေစိမ်ပါ။

၂။ ပွလာပါက ပဲများကို နူးလာအောင်ပြုတ်ပါ။

၃။ ပြုတ်ပြီးသောပဲများကို ရေစစ်၍ တစေးအနည်းငယ်ဖြူးပြီး ဖျာကြမ်းပေါ် ဖြန့်ထားပါ။

၄။ သုံးရက်ခန့်ကြာလျှင် ပဲများ မှိုတက်နေပါလိမ့်မည်။ မှိုတက်နေသောပဲများကို နေလှန်းပေးရပါမည်။

၅။ ကောင်းစွာခြောက်သွေ့လာသော ပဲများကို အသင့်ကျိုထားသော ထန်းလျက် သို့ ကြံသကာရည်ထဲ ဆားတော်သင့်ရုံထည့်၍ စိမ်ပါ။

၆။ ရက်အတန်ကြာကြာထားသောအခါ ပဲငံပြာရည်ဖြစ်လာသည်။ စိမ်ထားသော ပဲများသည် ပဲငါးပိဖြစ်လာ၏။ ဒါဆိုရင် ဓာတုဆိုးဆေးမပါ ကျန်းမာရေးနှင့်ညီညွတ်တဲ့ ပဲငံပြာရည်ကိုရရှိပါပြီ။

ပဲငံပြာရည်သည် ထန်းလျက် သို့မဟုတ် ကြံသကာရည်၏ အပျစ်အကျဲကိုလိုက်၍ အရည်ပျစ်၊အရည်ကျဲဟူ၍ နှစ်မျိုးနှစ်စားရှိရာ ပဲငံပြာရည် အကြည်၊ အနောက်ဆိုပြီး ခေါ်ဝေါ်ကြပါသည်။ ပဲငံပြာရည်၏အနံ့မှာ ငါးငံပြာရည်ကဲ့သို့ မပြင်းဘဲ ခပ်သင်းသင်းရှိသည်။ အရသာမှာ ချိုသည်။ ပဲငံပြာရည်သည် ဟင်း၏အရသာကို ထူးခြားစေသည့်ပြင် အရောင်ကိုလည်း ကောင်းစေ၏။ မြန်မာတို့သည် ဟင်းချက်ပြုတ်ရာတွင် ငါးငံပြာရည်ကို ပိုမိုအသုံးများကြပြီး ယခုနောက်ပိုင်းတွင် ပဲငံပြာရည်ကိုပါ အသုံးများလာကြသည်။

ပင်လယ်ပြာ(ငါးဦးစီး)

မှီငြမ်း-မြန်မာ့စွယ်စုံကျမ်း၊ အတွဲ(၃)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ