အစေ့ထုတ်ပြောင်းစျေးနှုန်း တည်ငြိမ်နေ

ယခုလအတွင်း အစေ့ထုတ်ပြောင်းစျေးနှုန်းမှာ တည်ငြိမ်နေကြောင်း မြန်မာနိုင်ငံ ပြောင်းစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

ပြည်ပနိုင်ငံကို အစေ့ထုတ်ပြောင်းတင်ပို့မှု ရပ်တန့်နေတဲ့အတွက် ပြည်တွင်းပြောင်းစျေးနှုန်းမှာ တည်ငြိမ်နေတာဖြစ်တယ်လို့ မြန်မာနိုင်ငံ ပြောင်းစိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌဦးမင်းခိုင်က ပြောပါ တယ်။

အစေ့ထုတ်ပြောင်းက ပြည်တွင်းပဲရောင်းအားရှိတယ်။ ပြည်ပဝယ်လိုအား မရှိသေးဘူး။တရုတ်ကိုလည်း မတင်ပို့နိုင်သေးဘူး။ ထိုင်းကိုလည်း မတင်ပို့နိုင်သေးဘူး။ အဲဒီအတွက် ပြည်တွင်း အစေ့ထုတ်ပြောင်းစျေးနှုန်းက အေးနေတယ်

အစေ့ထုတ်ပြောင်းကို တရုတ်နိုင်ငံကို အဓိကထားတင်ပို့သော်လည်း တင်ပို့မှုမှာ အခုလက်ရှိအချိန်ထိ ရပ်တန့်နေပြီး ထိုင်းနိုင်ငံကို တင်ပို့မှုမှာလည်း အခုလအတွင်း ရပ်ဆိုင်းထားတာဖြစ်တယ်လို့ အဆိုပါအသင်းမှ သိရပါတယ်။

ပြည်တွင်းအစေ့ထုတ်ပြောင်းစျေးနှုန်းမှာ အခုလအတွင်း အစေ့ထုတ်ပြောင်းတစ်ပိဿာကို ကျပ် ၅၀၀ ဝန်းကျင်နဲ့ စျေးနှုန်းတည်ငြိမ်နေကြောင်း မြန်မာနိုင်ငံ ပြောင်းစိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ