လျှော်ဖြူကုန်သည်များနှင့် တရုတ်ဝယ်လက်တို့ပူးပေါင်း၍ ဈေးနှိမ်သည့်ဖြစ်စဉ်မျိုးမရှိ

ပြည်တွင်းရှိ လျှော်ဖြူကုန်သည်များနှင့် တရုတ်ဝယ်လက်တို့ ပူးပေါင်း၍ ဈေးနှိမ်သည့် ဖြစ်စဉ်မျိုးမရှိကြောင်း မြန်မာနိုင်ငံ လျှော်ဖြူစိုက်ပျိုးထုတ်လုပ် တင်ပို့ရောင်းချသူများ အသင်းမှ သိရသည်။

ကုန်သည်ပွဲစားနှင့် တရုတ်ပေါင်းပြီး စျေးနှိမ်တာ လုံးဝမဟုတ်ပါဘူး။ အဓိကကတော့ ဝယ်လိုအား၊ ရောင်းလိုအားရဲ့ မမျှတမှုကြောင့်ပါ။ COVID ကြောင့် တရုတ်ပြည် ဝယ်လိုအားကျဆင်းချိန်မှာ စျေးအတက်ကိုစောင့်ရလို့ ကုန်လက်ကျန်များတာရယ်၊ အစေးအသစ်တွေ ပြန်ပေါ်လာတာရယ် ဆက်သွားတော့ ရောင်းလိုအားများသွားတာပါ။ အဲ့ဒါကြောင့် လတ်တလော စျေးတက်မလာသေးတာပါ။ အချိန်အတိုင်းအတာတစ်ခုတော့ စိတ်ရှည်ရှည်နဲ့ စောင့်ရပါဦးမယ်။

ဟု မြန်မာနိုင်ငံ လျှော်ဖြူစိုက်ပျိုးထုတ်လုပ် တင်ပို့ရောင်းချသူများ အသင်း ဒုတိယဥက္ကဌ ဦးဇင်မင်းသန့် က ပြောသည်။

လျှော်ဖြူဈေးနှုန်း အတက်အကျကြောင့် တောင်သူများအနေဖြင့် ဈေးကွက်ရိုက်ခတ်မှုဒဏ် ခံစားရသကဲ့သို့၊ လျှော်ဖြူကို အမှီသဟဲပြု၍ ရောင်းဝယ်ဖောက်ကားနေသည့် ကုန်သည်များမှာလည်း အနည်းနှင့်အများဆိုသလို ထိခိုက်မှုရှိကြောင်း သိရသည်။

ဒီနှစ်မှာ ကုန်သည်ပွဲစားတွေလည်း ထင်သလောက် မမြတ်ကြပါဘူး။ တကယ် အရောင်းအဝယ်လုပ်ပြီး အမြတ်ယူရမယ့်အချိန်မှာ COVID ဖြစ်လာတော့ အားလုံး အခက်အခဲနဲ့ ရင်ဆိုင်ရပါတယ်။ ဒီနှစ်မှာ ပြောပြလို့မကောင်းတဲ့၊ မမျှော်လင့်တဲ့ အခက်အခဲတွေကိုလည်း ကုန်သည်တချို့ ကြုံတွေ့ကြရပါတယ်။

ဟု ဦးဇင်မင်းသန့် က ဆက်လက်ပြောသည်။

မြန်မာနိုင်ငံမှ လျှော်ဖြူစေးကို တရုတ်နိုင်ငံဈေးကွက်သို့ အဓိကထား တင်ပို့ရောင်းချပြီး၊ ထိုင်းနိုင်ငံ၊ ဂျပန်နိုင်ငံ၊ စင်္ကာပူနိုင်ငံ၊ မလေးရှားနိုင်ငံများသို့လည်း ရံဖန်ရံခါ ရောင်းချရကြောင်း သိရသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ