မြန်မာ့ကြယ်ပဲဈေးကွက် export ရပ်ဆိုင်းနေ

၂၀၁၈ ခုနှစ်က ဈေးကွက်ကောင်းမွန်ခဲ့ပြီး၊ တစ်ကီလိုလျှင် ၈၀၀၀ ကျပ်အထိ ဈေးနှုန်းရရှိခဲ့သော ကြယ်ပဲသီးနှံကို ယခုအခါ export တင်ပို့မှု ရပ်ဆိုင်းနေကြောင်း မြန်မာနိုင်ငံကြယ်ပဲစိုက်ပျိုးထုတ်လုပ် တင်ပို့ရောင်းချသူများအသင်း (မန္တလေးတိုင်းဒေသကြီး) မှ သိရသည်။

Export က ရပ်နေတယ်။ ထိုင်ဝမ်နဲ့ စကားပြောထားတာကလည်း ကိုဗစ်ရောဂါဖြစ်လာပြီးနောက်ပိုင်း အကြောင်းမပြန်တော့ဘူး။ ကိုရီးယားဝလက်ကလည်း မဝယ်တော့ဘူး။ ကိုရီးယားကို ပီရူးနဲ့ ဗီယက်နမ်က ပို့နေတော့ ထိုင်းနိုင်ငံကနေ သိပ်မမှာတော့တာပါ။ မြန်မာပြည်ကကြယ်ပဲက ထိုင်းနိုင်ငံကို အဓိက ပို့နေတာဆိုတော့ ထိုင်းနိုင်ငံမှာ လတ်တလော ဈေးကွက်ငြိမ်နေတော့ မြန်မာဈေးကွက်လည်း ရပ်နေတာပါ။

ဟု မြန်မာနိုင်ငံ ကြယ်ပဲစိုက်ပျိုးထုတ်လုပ် တင်ပို့ရောင်းချသူများအသင်း (မန္တလေးတိုင်းဒေသကြီး) ဥက္ကဌ ဦးတင်မျိုးနိုင်က ပြောသည်။

ကြယ်ပဲလက်ဘက်ခြောက်၊ ကြယ်ပဲစေ့လှော်များကို ပြည်တွင်းဈေးကွက်သို့ ပုံမှန်အတိုင်း ဆက်လက် ဖြန့်ဖြူးနေသော်လည်း ယခင်နှစ်များကထက် အရောင်းအဝယ်အားနည်းနေသည်။

ကြယ်ပဲလက်ဘက်ခြောက်၊ ကြယ်ပဲစေ့လှော်တွေကိုတော့ ပြည်တွင်းဈေးကွက်အတွက် ဆက်ထုတ်လုပ်ပေးနေပါတယ်။ ဈေးကွက်အားနည်းလာတော့ ကြယ်ပဲစိုက်ပျိုးမှုကိုလည်း တောင်သူတွေက လက်လျော့လာကြတယ်။ တချို့လည်း ကြယ်ပဲပင်တွေကို သိပ်အလေးမထားတော့ပဲ တခြားသီးနှံ ပြောင်းစိုက်သွားကြတာမျိုးလည်း ရှိလာတယ်။ အသင်းကို စိုက်တဲ့သူတွေကတော့ မေးလာတယ်။ သူတို့ ထွက်တာလေးတွေ ဝယ်နိုင်မလားပေါ့။ အကိုတို့အနေနဲ့ကလည်း ပမာဏများများတော့ မဝယ်နိုင်သေးဘူးလေ။

ဟု ဦးတင်မျိုးနိုင် က ဆက်လက် ပြောသည်။

လက်ရှိအနေဖြင့် ကြယ်ပဲပေါက်ဈေးမှာ ကြယ်ပဲစေ့ (မလှော်ရသေးခင် အမဲစေ့အတိုင်း) ကုန်ကြမ်းအနေအထား တစ်ကီလိုလျှင် ၁၃၀၀ ကျပ် ဖြစ်သည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ