မြန်မာ့ ဖရဲ၊ သခွားမွှေး Export ဈေးကွက်ရပ်တန့်နေသဖြင့် ပြည်တွင်းဈေးကွက်ကို အားထားရောင်းချနေကြ

မြန်မာ့ ဖရဲ၊ သခွားမွှေး Export ဈေးကွက်ရပ်တန့်နေသဖြင့် ပြည်တွင်းဈေးကွက်ကို အားထားရောင်းချနေကြကြောင်း ကိုယ်တိုင်စိုက်ပျိုးထုတ်လုပ်သူများထံမှ သိရသည်။

ပြည်ပဈေးကွက် မရှိတော့ပေမယ့်လည်း ဖရဲနဲ့ သခွားမွှေးကိုတော့ တောက်လျှောက်စိုက်နေကြတုန်းပါ။ သခွားမွှေးအနည်းအကျဉ်းနဲ့ ဖရဲလည်း အနည်းအကျဉ်းစိုက်ထားပါတယ်။ မိုးဖရဲ မိုးသခွားမွှေးက ဇွန်၊ ဇူလိုင်လတွေတုန်းက စိုက်ထားတာမို့ ခူးတဲ့သူလည်းခူး ဆွတ်တဲ့လူလည်းဆွတ်နေကြပါပြီ။ ဈေးကွက်ကတော့ ပြည်တွင်းဈေးကွက်ကိုပဲ အဓိကထား ချိတ်ဆက်တင်ပို့ ရောင်းချနေကြပါတယ်။

ဟု စစ်ကိုင်းတိုင်း၊ ချောင်းဦးမြို့နယ်၊ သုံးပန်လှကျေးရွာမှ ဖရဲ၊ သခွားမွှေးစိုက်ပျိုးသူ ဦးသိန်းနိုင်က ပြောသည်။

လက်ရှိတွင် ပြည်တွင်းဈေးကွက်အနေဖြင့် ရန်ကုန်နှင့်မန္တလေးမြို့ကြီးများသို့ တင်ပို့ရောင်းချနေကြောင်း သိရသည်။

ဈေးကွက် တရုတ်ဘက်ကပိတ်ထားတော့ ရန်ကုန်သီရိမင်္လာဈေးကပွဲစားတွေက ကိုယ်စားလှယ်တွေနဲ့ ချိတ်ဆက်ဝယ်ယူနေပါတယ်။ မန္တလေးကိုလည်း တင်ပို့ရောင်းချရပါတယ်။ ပြည်ပပို့တုန်းကလောက် ဈေးမကောင်းရင်တောင် ဈေးတအားမကွာဘူး၊ မရှုံးတော့မရှုံးကြပါဘူး။ ပြည်ပပို့တဲ့အခါ ကီလိုနဲ့ရောင်းရပြီး၊ ပြည်တွင်းမှာကျတော့ အလုံးပြတ်ရောင်းကြပါတယ်။ ဖရဲသီးတစ်လုံးကို ခုနှစ်ရာ၊ ရှစ်ရာ စသဖြင့် အလုံးပြတ်နဲ့ပေါ့။

ဟု ဦးသိန်းနိုင်က ဆက်လက်ပြောသည်။

ကိုဗစ်-၁၉ တတိယလှိုင်းကာလ၏ ရိုက်ခတ်မှုအမျိုးမျိုးကြောင့် ပြည်ပတင်ပို့မှုလမ်းကြောင်းအများစု ရပ်တန့်သွားပြီး မူဆယ် (၁၀၅)မိုင် ကုန်သွယ်ရေးဇုန်မှတဆင့် မြန်မာ့ဖရဲ၊ သခွားမွှေးများ အဓိကတင်ပို့နေသည့် တရုတ်နိုင်ငံဈေးကွက်မှာလည်း ရပ်တန့်နေခြင်းဖြစ်သည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ