နွေစပါးအတွက် လိုတိုးပိုလျော့ မြေဩဇာ ချင့်ချိန်နည်း

အစိမ်းရောင်လမ်းက တင်ထားတဲ့ “ဒီနှစ်နွေစပါး စိုက်သင့်လား မစိုက်တော့ဘူးလား” ဆိုတဲ့ ဆောင်းပါးအောက်မှာ တောင်သူတွေ မေးထားတာတွေကို သက်ဆိုင်ရာပညာရှင်တွေက ဖြေကြားပေးထားပါတယ်။ ဒီဖြေကြားချက်ဗီဒီယိုဖိုင်လေးတွေကို  သက်ဆိုင်ရာ ခေါင်းစဉ်အလိုက် အပိုင်းလေးတွေခွဲပြီး တင်သွားပါမယ်။ 

ပထမဦးဆုံးတင်ဖို့ ရွေးချယ်ထားတာကတော့ မြေသြဇာဈေးတွေခေါင်ခိုက်နေတဲ့ကာလမှာ သဘာဝမြေသြဇာသုံးပြီး စိုက်ရင် အထွက်ရနိုင်မလားဆိုတာသိနိုင်ဖို့ သဘာဝမြေသြဇာပညာရှင်ဆရာမက လက်တွေ့တောင်သူတွေနဲ့ တွဲဖက်စိုက်ပျိုးခဲ့တဲ့ အတွေ့အကြုံတွေကို ကုန်ကျစရိတ်၊ အထွက်နှုန်းနဲ့ ဝင်ငွေတွေနဲ့ပါ နှိုင်းယှဉ်ပြသပြီး ပြောထားလို့ အရမ်းစိတ်ဝင်စားဖို့ကောင်းပြီး ပညာလည်း ရပါတယ်။ 

မြို့နယ်အမျိုးမျိုးမှာ စိုက်ပျိုးနည်းအမျိုးမျိုးနဲ့ မြေသြဇာအချိုးအမျိုးမျိုးကို စမ်းသပ်ထားတာဖြစ်တာကြောင့် မိမိနဲ့ ကိုက်ညီမယ့် နည်းလမ်းတွေကိုလည်း ဒီဗီယိုလေးမှာ ရှာဖွေနိုင်မှာဖြစ်ပါတယ်။ ဒါကြောင့် အစိမ်းရောင်လမ်း အသုံးပြုတွေ သိရှိနိုင်ဖို့ ဗီဒီယိုလေးကို တင်ပေးလိုက်ပါတယ်။​

နောက်ရက်တွေမှာလည်း နွေစပါးစိုက်မယ့်တောင်သူတွေအတွက် အခြားခေါင်းစဉ်လေးတွေကို ဆက်လက်တင်ပေးသွားပါမယ်။ ပညာရှင်တွေနဲ့ စိုက်ပျိုးရေးဆိုင်ရာ ပြဿနာတွေကို တိုက်ရိုက်အဖြေရှာ ဆွေးနွေးဖို့အတွက် အစိမ်းရောင်လမ်း App ရဲ့ အမေးအဖြေကဏ္ဍကနေ ဖိတ်ခေါ်အပ်ပါတယ်။