ချင်းတွင်းမြစ်တွင်းသွား ရေယာဉ်များသွားလာမှု ခေတ္တပိတ်

ချင်းတွင်းမြစ်ရေ စိုးရိမ်ရေမှတ်သို့ ရောက်ရှိလာသဖြင့် မြစ်တွင်းသွား ရေယာဉ်များသွားလာမှုကို သြဂုတ်လ ၆ရက်နေ့မှစတင်ကာ ခေတ္တပိတ်ထားမည်ဖြစ်ကြောင်း ပုဂ္ဂလိကရေယာဉ်များ စနစ်တကျပြေးဆွဲရေးကော်မတီရုံးမှ သိရသည်။

"တစ်ပတ်တန်သည် နှစ်ပတ်တန်သည်ပေါ့လေ။ ပိတ်ထားရမှာ။ အထက်ပိုင်း(ခန္တီး၊ ဟုမ္မလင်း) ဘက်က ရေလုံးဝကျသွားပြီဆိုမှ ပြန်ဖွင့်ပေးမယ်။"ဟု ယင်းကော်မတီ၏အတွင်းရေးမှူး ဦးဇော်ဝင်းကပြောသည်။

သြဂုတ်လ၅ရက်နေ့က ရ.စ.က ကော်မတီဝင်များ၊ ရေယာဉ်အသင်းပိုင်ရှင်များ၊ ရေယာဉ်ပိုင်ရှင်များနှင့် မိုးဇလမှ တာဝန်ရှိသူများတွေ့ဆုံ ဆုံးဖြတ်ချက်အရ အမြန်ရေယာဉ်များအနေနဲ့ သြဂုတ်လ ၆ရက်နေ့ နေ့လည် ၁နာရီနောက်ဆုံးထား ပြေးဆွဲထွက်ခွာကြရမည်ဖြစ်ကြောင်း သိရသည်။

"စည်းကမ်းမလိုက်နာရင် ထိထိရောက်ရောက်အရေးယူမယ်။ ဒီကထွက်တာနဲ့ စစ်ဆေးရေးဂိတ်တွေကိုတားခိုင်းပြီးအရေးယူမယ်"ဟု ဦးဇော်ဝင်းကပြောသည်။

ခရီးသည်များ ခရီးသွားလာခြင်း နှောင့်နေးမှုမရှိစေရန် မြန်မာ့ရေကြောင်းပိုင် သင်္ဘောများကို တနင်္လာနှင့်သောကြာနေ့တိုင်း ပြေးဆွဲပေးသွားမည်ဖြစ်ကြောင်း အဆိုပါကော်မတီထံမှ သိရှိရသည်။

မုံရွာအခြေစိုက်၍ ချင်းတွင်းမြစ်အတွင်းပြေးဆွဲနေသည့် ခရီးသည်တင်ယာဉ် ၁ဝ သင်းနှင့် ကုန်တင်ယာဉ် ၈သင်းရှိပြီး ခရီးသည်တင်ယာဉ် ၁၃၇စီး၊ ကုန်တင်ယာဉ် ၅၇၇စီးရှိကြောင်း ပုဂ္ဂလိကမော်တော်ယာဉ်များ စနစ်တကျပြေးဆွဲရေး ကော်မတီထံ မှတ်ပုံတင်ထားသည့် စာရင်းများအရ သိရသည်။

နှင်းသက်ဝေခိုင်

Source - မုံရွာ ဂေဇက်

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ