ကန္တာရနှံကောင် (ကန္တာရကျိုင်းကောင်) နှင့်ပတ်သက်ပြီး သိထားသင့်သော အချက်အလက်များ (၂)

ပိုးမွှားရောဂါကို ကာကွယ်နှိမ်နင်းသောအခါ မိမိကာကွယ်နှိမ်နင်းမည့် ပိုးမွှားရောဂါ၏ သဘောသဘာဝကို သိထားဖို့လိုအပ်ပါသည်။ ထိုသို့သိထားသောအခါ ပိုးမွှားရောဂါများ၏ အလေ့အထများ၊ အမူအကျင့်များ၊ ၄င်းတို့၏ဘဝစက်ဝန်းတစ်လျှောက် အားအနည်းဆုံးအဆင့် တစ်နည်းအားဖြင့် ကာကွယ်နှိမ်နင်းမှုပြုလုပ်ရန် အသင့်တော်ဆုံးအချိန်ကို သိရှိနိုင်မည်ဖြစ်ပါသည်။ သို့မှသာ ကာကွယ်နှိမ်နင်းရေးနည်းလမ်းများကို ထည့်သွင်းစဉ်းစားသောအခါ ထိရောက်သည့်နည်းလမ်းကို ရွေးချယ်အသုံးပြုနိုင်မည် ဖြစ်ပါသည်။ သို့ဖြစ်၍ ယခုတလော တောင်သူဦးကြီးများ၊ စိုက်ပျိုးရေးနှင့် နှီးနွယ်ပတ်သက်သူများ စိုးရိမ်ပူပန်နေတဲ့ ကန္တာရနှံကောင် (ကန္တာရကျိုင်းကောင်) နှင့်ပတ်သက်သော အချက်အလက်များ (၂) ကို ဆက်လက်ဖော်ပြအပ်ပါသည်။