ပဲတီစိမ်းတွင်ကျရောက်တတ်သော လှေးပိုးအန္တာရာယ်

ပဲတီစိမ်းသည်လည်း မြန်မာနိုင်ငံတွင် အစိုက်များသော သီးနှံတစ်ခုပဲဖြစ်ပါသည်။ စိုက်ပျိုးရာတွင် ဖျက်ပိုးအန္တာရာယ်မှ ကာကွယ် လျှော့ချနိုင်အောင် လုပ်ဆောင်သင့်ပါသည်။ ဖျက်ပိုးများအနက် လှေးပိုးသည်လည်း ပဲတီစိမ်းအထွက်နှုန်းကို သိသိသာသာလျော့ကျစေနိုင်သဖြင့် လှေးပိုးအကြောင်းကိုဖော်ပြလိုက်ပါသည်။

ဖျက်စီးပုံလက္ခဏာ

လှေးပိုးသည် စုပ်စားပိုးဖြစ်ပြီး အရွက်နှင့် ရိုးတံများကို စုပ်စားလေ့ရှိသည်။ ပန်းပွင့်တွင်လည်း ကျရောက်မှုများသည်။ လှေးပိုးကျရောက်လျှင် အပွင့်များမှာ အညိုရောင်ပြောင်းပြီး ခြောက်သွားကာ အပွင့်များကြွေကျပါသည်။ အပွင့်များကိုစုပ်စားသဖြင့် ဝတ်မှုံကူးရာတွင် အနှောင့်အယှက်ဖြစ်ရာ အစေ့အဆံတည်မှုနည်းသွားတတ်ပါသည်။ အသီးဖြစ်ပေါ်မှုလည်း ကျဆင်းပြီး အသီးများပုံပျက်နေသည်ကိုလည်းတွေ့ရနိုင်ပါသည်။ အသီးနုတွင်အဝါကွက်ငယ်များဖြစ်ပြီး အမာရွတ်ငယ်များကိုလည်းတွေ့ရတတ်ပါသည်။

ကာကွယ်နှိမ်နင်းခြင်း

ထယ်၊ ထွန် နက်နက်ဝင်ပေးပါ။ ထယ် ထွန် နက်နက်ဝင်ပေးခြင်းဖြင့် မြေကြီးထဲက ရုပ်ဖုံးအဆင့်လှေးများကို နှိမ်နင်းပြီးသားဖြစ်ပါသည်။ မိတ်ဆွေပိုးများကိုထိန်းသိမ်းပေးပါ။ လှေးမကြိုက်သောအပင်များကို သီးညှပ်အနေဖြင့် ထည့်စိုက်ထားနိုင်ပါသည်။

အခင်းတွင် လှေးပိုးကျရောက်နေလျှင် ပိုးကျရောက်မှုများတဲ့ အပင်အစိတ်အပိုင်းတွေကို ဖယ်ရှားဖျက်စီးပစ်ဖို့လိုပါမယ်။ ပေါင်းမြက်များတွင် ခိုအောင်းနေနိုင်သဖြင့် ပေါင်းမြက်များရှင်းလင်းပေးပါ။

သဘာဝဆေးအနေဖြင့် တမာပိုးသတ်ဆေးကို ထိရောက်စွာအသုံးပြုနိုင်သလို စီးပွားရေးအရထိခိုက်မှုရှိလျှင် ဓာတုပိုးသတ်ဆေး ဖစ်ပရိုနေး (fipronil)၊ သိုင်ရာမီသောက်ဇင် (thiamethoxam) တို့ကိုတွဲဖျန်းပေးနိုင်ပါတယ်။ လှေးပိုးမကျရောက်ခင် ကာကွယ်တဲ့အနေဖြင့် ဓာတုဆေးသုံးလိုလျှင် ဒိုင်နိုတီဖူရမ် (dinotefuran)၊ အစီဖိတ်(acephate)တို့ကို အညွှန်းတိုင်း သေချာစွာ အသုံးပြုပေးနိုင်ပါသည်။

ကိုးကား- https://infonet-biovision.org/PlantHealth/Crops/Green-gram#27436

ဖုန်းမာန်တိုး

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ