မတ်ပဲစိုက်ခင်း လှေးပိုးအန္တာရာယ်

ဖျက်ပိုးများဖျက်စီးခြင်းသည် မတ်ပဲ၏ အထွက်နှုန်းနှင့် အရည်အသွေးကို သိသိသာသာကျဆင်းစေပါသည်။ ဒါ့ကြောင့် သီးနှံများ ပင်ပိုင်းကြီးထွားအဆင့်တွင် အပတ်စဉ်အမြဲစစ်ဆေးနေပြီး အဖူးပွင့်ချိန်မှစ၍ တစ်ပတ်လျှင် နှစ်ကြိမ်အနည်းဆုံး စစ်ဆေးသင့်ပေသည်။ ပျိုးပင်ပေါက်အရွယ်နှင့် အသီးအပွင့်တည်ချိန် ပိုးကျရောက်မှုများလျှင် အထွက်နှုန်းကို ဆိုးရွားစွာထိခိုက်စေပါသည်။

မတ်ပဲတွင် အဓိကကျရောက်သော ဖျက်ပိုးများတွင် လှေးပိုးသည်လည်း ကျရောက်မှုအများဆုံးဖြစ်သည်။ လှေးပိုးသည် ဗိုင်းရပ်စ်ကို အဓိကသယ်ဆောင်သော ပိုးလည်းဖြစ်သည်။ မတ်ပဲတွင်ဗိုင်းရပ်စ်ရောဂါကျရောက်လျှင် ဗိုင်းရပ်စ်ရောဂါကို ထိထိရောက်ရောက် ထိန်းချုပ်နိုင်ခြင်းမရှိပဲ လှေးပိုးများကိုသာ နှိမ်နင်းရပါသည်။ ဗိုင်းရပ်စ်ကို အကောင်းဆုံးနှိမ်နင်းပုံမှာ ရောဂါကျရောက်နေသော အစိတ်အပိုင်းများနှင့် ပေါင်းပင်များကို နှိမ်နင်းပေးခြင်းဖြစ်သည်။

ဖျက်ဆီးပုံလက္ခဏာ

ပန်းပွင့်ချိန်

သီးနှံများသည် အပွင့်ပွင့်ချိန်နှင့် အသီးတင်ချိန်တွင် ထိခိုက်မှုများသည်။

ပိုးလောက်လောင်းများနှင့် အရွယ်ရောက်အကောင်များသည် ပန်းပွင့်အတွင်းသို့ ဝင်ရောက်စားသောက်ပြီး ပန်းပွင့်များမြုံကာ အသီးမတည်မှုများဖြစ်သည်။

ပျိုးပင်ပေါက်အချိန်

ကောက်ပဲသီးနှံခင်းများနှင့် နီးကပ်စွာစိုက်ပျိုးထားသော နွေမတ်ပဲသီးနှံများသည် ပိုးကျရောက်နိုင်ခြေ အများဆုံးဖြစ်သည်။ ပျိုးပင်ပေါက်စအချိန်ကတည်းက ဖျက်ဆီးခံရနိုင်သည်။ အရွက်များတွင် ငွေရောင်အစက်အပြောက်များတွေ့ရတတ်ပြီး နောက်ပိုင်းတွင် အရွက်များမဲသွားတတ်ပါသည်။

ကာကွယ်နှိမ်နင်းခြင်း

- ပန်းပွင့်များအတွင်းသို့ ပိုးစစ်ဆေးပါ။ ပန်းတစ်ပွင့်တွင် လှေးပိုး ၄-၆ ကောင်ရှိနေပြီဆိုလျှင် နှိမ်နင်းဖို့လိုပါပြီ။

- ပေါင်းမြက်များကိုရှင်းလင်းပေးပါ။

- သဘာဝဆေးအနေဖြင့် တမာပိုးသတ်ဆေးနှင့် ဆေးရွက်ကြီးစိမ်ရည်တို့ကို အသုံးပြုနိုင်သည်။

- စီးပွားရေးအရထိခိုက်မှုရှိလာလျှင် ဓာတုဆေးအနေဖြင့် ဖစ်ပရိုနေး၊ သိုင်ရာမီသောက်ဇင်၊ ဒိုင်နိုတီဖူရမ်၊ အစီဖိတ်တို့ကို အညွှန်းအတိုင်းအသုံးပြုနိုင်ပါသည်။

ကိုးကား- http://www.mungbean.org.au/pests.html

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ