တီလားပီးယားငါးဥစုဆောင်းခြင်းနည်းလမ်းများ

တီလားပီးယားမျိုးငါး အထီး၊ အမများကို ပြုစုမွေးမြူမယ့် ဟာပါထဲသို့ အထီး၁ကောင်နဲ့ အမ (၁.၅-၂) ကောင်နှုန်းထည့်သွင်း ရပါမယ်။ ပုံမှန်အားဖြင့် ပြုစုမွေးမြူမယ့် ဟာပါထဲကို မျိုးငါး အထီး၊ အမကို အတူထည့်သွင်းပြီးချိန်မှ တီလားပီးယားစတင် သားပေါက်တဲ့ အချိန်ထိ ၂ပတ်ကြာအချိန်ယူပါတယ်။

 

သဘာဝမှာ ဥချထားတဲ့ငါးတွေကို စုဆောင်းခြင်းနဲ့ သားဖောက်ခြင်းကို ငါးမကြီးရဲ့ ပါးစပ်ထဲမှာ ပြုလုပ်ပြီး ငါးမှုန်တွေကို ကောင်းမွန်စွာ ကူးခတ်သွားလာနိုင်တဲ့ အချိန်မတိုင်မီအထိ ငါးသားလောင်းတွေကို ပါးစပ်ထဲမှာ ပြုစုမွေးမြူပါတယ်။

 

တီလားပီးယားငါးဥစုဆောင်းခြင်းနည်းလမ်းများ

 

တီလားပီးယား ငါးဥတွေကို မျိုးငါးအမတွေရဲ့ ပါးစပ်ထဲမှာ ၅ရက်၁ကြိမ်စုဆောင်းရပြီး မျိုးငါးမဥချိန်မှစပြီး သန္ဓေသားဖွံ့ဖြိုးချိန်ကို အောက်ပါအတိုင်း ၄ဆင့်ခွဲခြားရပါမယ်။

 

အဆင့်(၁) ဥတွေက မျက်လုံးမပေါ်သေးပါ။ အဖြူရောင် (သို့မဟုတ်) အဝါရောင်ရှိပါတယ်။

အဆင့်(၂) မျက်လုံးစပေါက်ပြီး ဥတွေက အရောင့်ရင့်လာပါတယ်။

အဆင့်(၃) ဥတွေက အရောင်ပိုရင့်လာပြီး မျက်စိနဲ့ အမြီးထင်ရှားလာပါတယ်။ အချို့ဥတွေက ဥနှစ်မှ စတင်ပေါက်ပွားနေပြီ ဖြစ်ပါတယ်။

အဆင့်(၄) ဥနှစ်နဲ့ ငါးသားပေါက်လောင်း တွဲနေတာကို မြင်ရမှာပဲဖြစ်ပါတယ်။

 

ယခင်ဥပေါက်ခြင်းမှ ကျန်ရှိနေခဲ့သော ရေတွင်စကူးခတ်နေပြီဖြစ်တဲ့ ငါးမှုန်တွေကျန်ရှိနေနိုင်ပါတယ်။ မည်သည့်ငါးမှုန်မဆို ဥနဲ့တွဲလျက်မရှိတော့ပါက လိင်ပြောင်းလဲမှု ပြုလုပ်ရန်အတွက် မသင့်တော်ပါ။ ၎င်းတို့ရဲ့  အသက်ရက်ကို မသိနိုင်တာကြောင့် ဖြစ်ပါတယ်။

 

တီလားပီးယားစတင် ဥလျှင် မျိုးငါးတွေကို ၅ရက်တစ်ခါ စစ်ဆေးရန်လိုအပ်ပါတယ်။ မျိုးငါးအမတွေရဲ့ ပါးစပ်အတွင်း ငါးဥတွေရှိနေပါက ဥကောက်ရပါမယ်။

 

ယခင်ဥကောက်ခြင်းမှ ကျန်နေခဲ့တဲ့ ဥနဲ့ တွဲလျက်မရှိတဲ့ သို့မဟုတ် ထိုထက်ကြီးတဲ့ မည်သည့်ငါးသားပေါက်ကို မဆို လိင်ပြောင်းလဲရန်အတွက် အသုံးမပြုသင့်ပါ။

 

ငါးဥစုဆောင်းရာမှာ ထည့်သွင်းစဉ်းစားရမယ့် နည်းလမ်းများ

 

• ဥကောက်ရန်အတွက် အကောင်းဆုံးအချိန်က မနက်ပိုင်းဖြစ်ပါတယ်။

• ကြီးထွားမှု အဆင့်လိုက်ဥတွေကို သီးခြားစီခွဲထားရပါမယ်။

• အကယ်၍ဥကောက်ချိန်ကြာမြင့်ပါက အလှမွေးငါးကန်မှာ အသုံးပြုတဲ့ လေမုတ်စက်ကိရိယာကို ပြင်ဆင်အသုံးပြုပါ။

• ဥကောက်ချိန်မှာ ဥတွေကို သားဖောက်စခန်းရှိရာ သယ်ယူချိန်မှာ ဥတွေကို ထိခိုက်နာကျင်မှုမရှိစေရန်အတွက် လုပ်ဆောင်ရန်လိုအပ်ပါတယ်။

• အပူချိန်မြင့်တက်မှုရှိပါက အပူချိန်လွန်ကဲမှုကို လျှော့ချရန် အရိပ်လုပ်ပေးရန်လိုအပ်ပါတယ်။( အပူလွန်ကဲမှုကြောင့် ဖြစ်နိုင်တဲ့ ထိခိုက်မှု)

Ref: တီလားပီးယားငါးသားဖောက်ခြင်းနှင့် သားပေါက်အဖိုများ ထုတ်လုပ်ခြင်းစာအုပ်မှကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။