မြန်မာ့ငရုတ်သီးကို မလေးရှားနိုင်ငံမှ ဝယ်ယူရန်ကမ်းလှမ်း

မလေးရှားနိုင်ငံကနေ မြန်မာ့ငရုတ်သီးကို မနေ့ကဝယ်ယူကမ်းလှမ်းခဲ့တာဖြစ်ကြောင်း မြန်မာ့ငရုတ်သီး စျေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။

မြန်မာ့ငရုတ်သီးကို ငရုတ်ခြောက်တင်မက ငရုတ်စိုပါဝယ်ယူရန် ကမ်းလှမ်းခဲ့တာဖြစ်တယ်လို့ မြန်မာ့ငရုတ်သီး စျေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ ဥက္ကဌ ဒေါ်ဥမ္မာကျော်က ပြောပါတယ်။

“ငရုတ်သီးကိုဝယ်ယူဖို့အတွက် မနေ့က လာပြီးကမ်းလှမ်းခဲ့တာပါ။ တန်ချိန်ဘယ်လောက်နဲ့ ဘယ်လိုအမျိုးအစားတွေဝယ်မယ်ဆိုတာကိုတော့ မပြောသေးပါဘူး။ တွေ့ဆုံညှိနှိုင်းဆဲအဆင့်ပဲရှိသေးတယ်။ သူတို့က ငရုတ်သီးကို အစိုရော၊ အခြောက်ရော ဝယ်ယူသွားမှာပါ”

ယခုလက်ရှိ မြန်မာ့ငရုတ် ပြည်ပတင်ပို့မှုမှာ ခေတ္တရပ်တန့်နေပြီး ဒီဇင်ဘာလမှာ ပြန်လည်တင်ပို့နိုင်ရေးအတွက် လုပ်ဆောင်သွားမှာဖြစ်ကြောင်း အဆိုပါအသင်းမှ သိရပါတယ်။

မြန်မာ့ငရုတ်တင်ပို့နိုင်ရေးအတွက်လည်း မြန်မာနိုင်ငံ သစ်သီးဝလံ၊ ပန်းမာန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းကို မနေ့ကလာရောက်တွေ့ဆုံခဲ့တာဖြစ်ကြောင်း သိရပါတယ်။

မြန်မာ့ငရုတ်ကို မန္တလေးတိုင်းဒေသကြီးနဲ့ စစ်ကိုင်းတိုင်းဒေသကြီးတို့မှာ အများဆုံးစိုက်ပျိုးတာဖြစ်ကြောင်း မြန်မာ့ငရုတ်သီး စျေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ