ပဲငံပြာရည် ဆေးကြက်ဥအငန် ပြုလုပ်နည်း

အားလုံးပဲ မင်္ဂလာပါ။ ကြက်ဥကို ရိုးရိုးပြုတ်စားရတာ ငြီးငွေ့နေသူများအတွက် ပဲငံပြာရည်နဲ့ ရောပြုတ်ထားတဲ့ ဆေးကြက်ဥအငန် ပြုလုပ်နည်းကို ဝေမျှပေးချင်ပါတယ်။ ပါဝင်ပစ္စည်းကလည်း ကြက်ဥနဲ့ ပဲငံပြာရည်ပဲ လိုအပ်တဲ့အပြင် ပြုလုပ်နည်းက အလွယ်လေးပဲမို့ မိမိအိမ်မှာ အလွယ်တကူပြုတ်စားနိုင်ပါတယ်။

ပါဝင်ပစ္စည်းများ

ကြက်ဥ ၄လုံး

ပဲငံပြာရည် စားပွဲတင်ဇွန်း ၅ ဇွန်

ပြုလုပ်နည်း အဆင့်ဆင့်

၁။ ကြက်ဥ ၄ လုံးကို အနှစ် မကျက်တကျက်လေး စားချင်ပါက ၅ မိနစ် ပြုတ်ပါ။ ကြက်ဥအနှစ် ကျက်စေချင်တယ်ဆိုရင်တော့ ၁၀ မိနစ်ခန့် ပြုတ်ပေးလိုက်ပါ။ ထို့နောက် ကြက်ဥပြုတ်များကို ရေခဲရေထဲ ထည့်ကာ အအေးခံထားလိုက်ပါ။ ပြီးရင်တော့ အခွံခွာလိုက်လို့ရပါပြီ။ (ရေခဲရေထဲ ထည့်ထားပါက အခွံခွာရတာ ပိုမိုလွယ်ကူပါတယ်။)

၂။ အိုးအသေး တစ်လုံးကို အပူပေးပြီး ပဲငံပြာရည်များ ဆူပွက်လာသည်အထိ တည်ထားလိုက်ပါ။ ပဲငံပြာရည် ဆူလာပါက မီးပိတ်ပြီးနောက် ကြက်ဥပြုတ်များထည့်ကာ ပဲငံပြာရည်များ နှံ့စပ်သွားအောင်လို့ ယောင်းမဖြင့် အသာအယာမွှေပေးလိုက်ပါ။

ဆား အရမ်းငန်တာမျိုး မကြိုက်ဘူးဆိုရင်တော့ တစ်မိနစ်၊ နှစ်မိနစ်ခန့်သာ မွှေပေးရပါမယ်။ ဆား လေးလေးပင်ပင် စားချင်တယ်ဆိုရင်တော့ ၅ မိနစ်ခန့် မွှေပေးရပါမယ်။

၃။ မွှေပြီးသွားရင်တော့ ကြက်ဥရော ပဲငံပြာရည်တွေကိုပါ ခြောက်သွေ့တဲ့ ဖန်ပုလင်းထဲထည့်ကာ အဖုံးလုံအောင် ဖုံးထားပြီးနောက် ရေခဲသေတ္တာထဲ ထည့်သိမ်းထားလိုက်ပါ။

အနည်းဆုံး ၆ နာရီခန့် စိမ်ပြီးသွားတဲ့အခါမှာတော့ ဆေးကြက်ဥအငန်လေး ရရှိသွားပါပြီ။

Myfood Myanmar Website မှ ပြန်လည်ကူးယူဖော်ပြပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ