တိုင်းရင်းကြက်မွေးမြူခြင်း

တိုင်းရင်းကြက်မျိုးများ

- မိမိဘာသာ အစာရှာဖွေစားသောက်ခြင်း

- ရာသီဥတုဒဏ်ခံနိုင်ခြင်း

- ဖြစ်ပေါ်သည့် ရောဂါဘယဒဏ်ကို နိုင်ငံခြား မွေးမြူရေး ကြက်များထက် ခံနိုင်ရည်ရှိခြင်း၊

- မျိုးကြက်ဥဖောက်ရာတွင် ဖောက်စက်မလိုအပ်ဘဲ မိခင်ကိုယ်တိုင် စပ်၍ သားဖောက်နိုင်ခြင်း။

- ကြက်ငယ်များအပေါ်တွင် မိခင်၊ ဖခင်စိတ်ရှိခြင်း။

- ကြက်ငယ်များ၏ ဘဝရှင်သန်မှုအတွက် မိခင်၊ ဖခင်များက ထိန်းသိမ်းလေ့ကျင့်သင်ကြားပေးနိုင်ခြင်း။

- အရွယ်ရောက်လာသောအခါ မိမိဘာသာရန်သူကို ကာကွယ်ရှင်သန်လှုပ်ရှားနိုင်ခြင်း။

ကြက်အမျိုးအစားများ

(က) အင်ပင်ဝကြက်

- မျိုးနှောအသားစားကြက်မျိုး

- စစ်တကောင်းထက်ကြီးထွားမှုပို

- အသားစားအတွက် မွေးမြူရန်

(ခ) စစ်တကောင်းကြက်

- ကျေးလက်ဒေသ ဟင်းစားကြက်မျိုး

- ကြီးထွားမှုမြန်ဆန်သည်။

- တစ်ကြိမ်ဥနှုန်း ၁၅ လုံးမှ ၂၀ လုံးထိ

(ဂ) လည်ပြောင်ကြက်

- မျိုးထွန်းအသားစားကြက်

- စစ်တကောင်းနှင့် အရွယ်အစားတူညီ

- အသားစားအတွက် မွေးမြူရန်

တိုင်းရင်းကြက် ကျန်းမာရေး

- ကြက်ခြံသန့်ရှင်းရေး နေ့စဉ်ဆောင်ရွက်ပါ။

- ကြက်များ၏ကျန်းမာရေးအခြေအနေကို အိမ်တန်းဆင်းချိန်၊ အိပ်တန်းတက်ချိန်နှင့် အစာကျွေးချိန်တွင် ပုံမှန်စစ်ဆေးပါ။

- အသစ်ထည့်မည့်ကြက်များကို (၇) ရက် ခန့် သီးခြားထားရှိပြီး ကျန်းမာမှ မိမိခြံရှိ ကြက်များနှင့်အတူ လွတ်မွေးပါ။

- ကြက်နာသားများ၊ ကြက်သေများကို စားသုံးခြင်းမပြုဘဲ စနစ်တကျ မြှုပ်နှံဖျက်ဆီးပါ။

- ကြက်ခြံကို ထုံးဖြူးခြင်း၊ မွေးမြူရေးလုပ်ငန်းသုံး ပိုးသတ်ဆေး၊ ဖျန်းခြင်း၊ ပုံမှန်ပြုလုပ်ပါ။

- မွေးမြူထားသည့် ကြက်များ ကူးစက်ရောဂါကြောင့် ဆုံးရှုံးမှု မဖြစ်စေရန် မွေးမြူရေးနှင့် ကုသရေးဦးစီးဌာန သို့ ဆက်သွယ်၍ ကာကွယ်ဆေးများကို ကြိုတင်ထိုးပေးပါ။

တိုင်းရင်းကြက်မွေးမြူခြင်း

- ရာသီဥတုဒဏ်နှင့် ခွေး၊ ကြောင်၊ သိမ်းငှက်တို့ အန္တရာယ်မှ ကာကွယ်ရန်နှင့် ကျန်းမာရေးစောင့်ရှောက်မှုလုပ်ငန်းများ လွယ်ကူစွာ ဆောင်ရွက်နိုင်ရန် ကြက်ခြံငယ် ဆောက်လုပ်ပေးပါ။

- ကြက် (၁၀)ကောင် အတွက် (၇) ပေပတ်လည်ခန့် အမိုးအကာရှိခြံကို ဒေသထွက်ငါး ဓနိ သက်ကယ်တို့ဖြင့် ဆောက်လုပ်နိုင်သည်။

- အခင်းကို မြေမာအောင်ပြုလုပ်ပါ။

- လွတ်ကျောင်းမွေးမြူ၍ သဘာဝအစာဖြင့် မွေးမြူနိုင်သော်လည်း ဆန်ကွဲ၊ စပါး၊ ပြောင်း၊ ဖြည့်စွက်ကျွေးမွေးပါက ကြီးထွားနှုန်း၊ ဥနှုန်း၊ ပိုကောင်းစေသည်။

- သန့်ရှင်းသော သောက်ရေကို လွတ်ကွင်းနှင့် ကြက်ခြံအတွင်း ထားပေးပါ။

- ကြက်ခြံအတွင်း မြေပြင်မှ (၂) ပေအမြင့်ခန့်တွင် ဝါးဖြင့် အိပ်တန်းပြုလုပ်ပေးပါ။

- ကြက်မ ၁ ကောင်အတွက် ဥကျင်း ၁ လုံးထားပေးသင့်သည်။

- ဥကျင်းကို မြေပြင်မှ ၂ ပေခန့် အမြင့်တွင် အေး၍ မှောင်သော နေရာဉ် ခိုင်ခန့်စွာ ချည်နှောင်ထားပါ။

- ပေါက်လာသော ကြက်ငယ်များကို (၂) ပတ်ခန့် ဝါးအုပ်ဆောင်းဖြင့် မွေးမြူပါ။

- မျိုးနီးသားစပ်ခြင်း မဖြစ်စေရန် အခြားဒေသမှ ကျန်းမာ၍ မျိုးကောင်းသော ကြက်ဖနှင့် လဲလှယ်သားစပ်ပါ။

- လွတ်ကျောင်း ခြံဝင်းအတွင်း ကျင်းပြုလုပ်၍ နွားချေးများ စုဆောင်းထားပါ။ ခြောက်နေလျှင် ရေဖျန်းပေးပါ။ ပေါက်ပွားလာသော အပင်ပေါက်များ၊ ပိုးမွှားများ၊ တီကောင်များကို ကြက်များ စားသုံးခြင်းဖြင့် အာဟာရဖြစ်စေသည်။

မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာန

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ