ရိုးရာနည်းဖြင့် နွားနို့ခဲပြုလုပ်ခြင်း

(၁) မရိုးပင်၊ မရိုးကိုင်း၊ မရိုးရွက်တို့ကို အသုံးပြု၍ နို့ခဲပြုလုပ်ခြင်း (မြန်မာ့ရိုးရာနည်း)

- မရိုးပင်မှ အကိုင်း၊ အရွက်တို့ကိုခူးပြီး ရေဖြင့် သေချာဆေးပါ။ အကိုင်း၊ အရွက်တို့ကို ချိုးပြီး ထွက်လာသောအဖြူရောင်အစေးဖြင့် နွားနို့ထည့်မည့်အိုးကို သုတ်လိမ်းပါ။ အကိုင်း၊ အရွက်အချို့ကို ထုထောင်းပြီးထည့်ပါ။ နွားနို့ ၁ ပိဿာအတွက် ၁ ကိုင်းခန့်သုံးပေးပါ။

- ထို့နောက် နွားနို့အစိမ်းနှင့် ကောင်းစွာရောစပ်ပြီး မွှေပါ။ မီးဖိုပေါ်တွင် ဆူအောင်တည်ပါ။

- နွားနို့များ အစိမ်းရောင်အရည်နှင့် အဖြူရောင်နို့ခဲများ ကွဲထွက်လာပါက မီးပိတ်ပါ။ အဝတ်သန့်သန့်ဖြင့် နာရီဝက်ခန့်စစ်ထားပါ။

(၂) သံပရာရည် သို့မဟုတ် ရှာလကာရည်ဖြင့် နို့ခဲပြုလုပ်ခြင်း

- နွားနို့ကို ဆူအောင်တည်ပြီး အိုးမကပ်အောင်မွှေပေးပါ။

- နွားနို့ဆူပွက်လာပါက သံပရာရည် သို့မဟုတ် ရှာလကာရည်ကို ထည့်ပြီးမွှေပေးပါ။ နွားနို့ ၁ ပိဿာအတွက် လက်ဖက်စားဇွန်း ၁ ဇွန်းစာထည့်ပါ။

- နွားနို့များ ကွဲထွက်လာပါက မီးပိတ်ပြီး ၅ မိနစ်ခန့်ထားပါ။

- အဝတ်သန့်သန့်ဖြင့် စစ်ယူပြီး ရေသန့်ထည့်ထားသော ဇလုံတွင်နှစ်ပြီး ၃ - ၄ ကြိမ်ခန့်ဆေးပါ။ (အချဉ်အနံ့နှင် အရသာပျောက်စေရန် ဖြစ်ပါသည်။) ထို့နောက် နာရီဝက်ခန့် ရေစစ်ထားပါ။

? ရေစစ်ပြီးပါက အဝတ်ဖြင့်တင်းကျပ်စွာ ညှစ်ပြီး ထုပ်ပါ။ အပေါ်မှ အလေးဖြင့် ၂ နာရီခန့် ဖိထားပါ။ ရေအားလုံးထွက်သွားပြီး နွားနို့ခဲရပါပြီ။

? ရေခဲသေတ္တာတွင် ၁ ပတ်ခန့် သိမ်းထားနိုင်ပါသည်။ လေထုတ်ထားသောအိတ် သို့မဟုတ် ဗူးတွင်ထည့်ပြီး အေးခဲအခန်းတွင် ထားပါက ၁ လထက်ပို၍ အထားခံနိုင်ပါသည်။

?နွားနို့ခဲသည် ခန္ဓာကိုယ်အတွက် လိုအပ်သော အသားဓာတ်(ပရိုတင်း)၊ ကယ်လ်ဆီယမ်ဓာတ်၊ ဗိုက်တာမင် အေ၊ ဗိုက်တာမင် ဒီ၊ အဆီဓာတ် အစရှိသော အာဟာရဓာတ်များပါဝင်ပြီး အရိုးပါးခြင်းကိုလည်း ကာကွယ်ပေးနိုင်ပါသည်။

MDEP

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ