ဥရောပနိုင်ငံများမှ မြန်မာ့နာနတ်သီး စိုက်ပျိုးထုတ်လုပ်မှုကို သင်တန်းလာရောက်ပို့ချသွားမည်

ဥရောပနိုင်ငံများမှ မြန်မာ့နာနတ်သီးစိုက်ပျိုးထုတ်လုပ်မှုအတွက် လာမယ့်နှစ်အတွင်းမှာ သင်တန်းလာရောက်ပို့ချသွားမှာဖြစ်ကြောင်း မြန်မာနာနတ်သီး စိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

ဥရောပနိုင်ငံရှိစျေးကွက်များကို မြန်မာ့နာနတ်သီး ထိုးဖောက်တင်ပို့ရောင်းချနိုင်ရန်အတွက် စိုက်ပျိုးထုတ်လုပ်မှုသင်တန်း လာရောက်ပို့ချသွားမှာဖြစ်တယ်လို့ မြန်မာနာနတ်သီး စိုက်ပျိုးထုတ်လုပ်တင်ပို့ရောင်းချသူများအသင်းမှ အတွင်းရေးမှူး ဦးစိုင်းကျော်ညွှန့်ကပြောပါတယ်။

“ နာနတ်သီးကိုစိုက်ပျိုးပုံ ၊ ခူးဆွတ်ပုံ ၊ ထွက်လာတဲ့နာနတ်သီး စံချိန်စံညွှန်းကိုက်ညီမှုရှိမရှိအတွက် သင်တန်းကို (၄)နှစ်အတွင်း ဥရောပနိုင်ငံကနေလာရောက်ပြီး သင်တန်းပို့ချသွားမှာဖြစ်ပါတယ်။အဓိက ကတော့ ဥရောပနိုင်ငံကို စျေးကွက်ရရှိနိုင်အောင်လို့ဆိုတဲ့ရည်ရွယ်ချက်နဲ့ပါ”

အဆိုပါသင်တန်းကို ၂၀၂၀ခုနှစ်မှစတင်ကာ နာနတ်သီးထွက်ရှိရာဒေသများမှာ တောင်သူများကို လာရောက်သင်တန်းပို့ချသွားမှာဖြစ်ကြောင်း အဆိုပါအသင်းမှ သိရပါတယ်။

မြန်မာ့နာနတ်သီးကို ရှမ်းပြည်နယ်(မြောက်ပိုင်း)မှာ အများဆုံးစိုက်ပျိုးတာဖြစ်ပြီး ပြည်ပစျေးကွက်များကို တင်ပို့နိုင်ရန်အတွက် စီစဉ်လုပ်ဆောင်မှုများရှိနေကြောင်း မြန်မာနာနတ်သီးစိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ