ဝါးမီးသွေးသင်တန်း ရွှေကျင်မှာ ပထမဆုံးအကြိမ် သင်ကြားပေးသွားမည်

ရွှေကျင်မြို့နယ်တွင် ဝါးမီးသွေးသင်တန်းကို ပထမဦးဆုံးအကြိမ် ပြုလုပ်သင်ကြားပေးသွားမှာဖြစ်ကြောင်း မြန်မာနိုင်ငံဝါးစိုက်ပျိုးရေးအသင်းမှ သိရပါတယ်။

ဝါးမီးသွေးကို တစ်ပိုင်တစ်နိုင်လုပ်ကိုင်သူများအတွက် ရည်ရွယ်ကာ သင်တန်းဖွင့်လှစ်သွားမှာဖြစ်တယ်လို့ မြန်မာနိုင်ငံ ဝါးစိုက်ပျိုးရေးအသင်းမှ ဥက္ကဠ ဦးဝင်းကျော်ဦးက ပြောပါတယ်။

ဝါးမီးသွေးကို ရွှေကျင်မှာကျ တစ်ပိုင်တစ်နိုင်လုပ်တဲ့သူတွေ စျေးကွက်လည်းရဖို့အတွက်ရည်ရွယ်ပြီး ဖွင့်လှစ်ပေးသွားမှာပါ။ နည်းပညာကျတော့ ပြည်ပကနေ ထောက်ပံ့ကူညီပေးထားတယ်။ ဝါးမီးသွေး စျေးကွက်ရအောင်လည်း အသင်းအနေနဲ့ လုပ်ဆောင်နေတာတွေရှိပါတယ်

ဝါးမီးသွေးပြုလုပ်တဲ့ နည်းပညာသင်တန်းကို ဒိန်းမတ်နိုင်ငံမှ နည်းပညာအကူအညီထောက်ပံ့ပေးတာဖြစ်ကြောင်လည်းအဆိုပါအသင်းမှသိရပါတယ်။

မြန်မာ့ဝါး စျေးကွက်ရရှိနိုင်ရန်အတွက်လည်း ဝါးထွက်ရှိရာဒေသများမှာ ကွင်းဆင်းကာလုပ်ဆောင်သွားမှာဖြစ်ကြောင်း သိရပါတယ်။

မြန်မာ့ဝါးကို ပြည်တွင်းစျေးကွက်မှာသာ ရောင်းချနေပြီး ပြည်ပနိုင်ငံများမှ ကမ်းလှမ်းမှုများရှိနေကြောင်းလည်း မြန်မာနိုင်ငံဝါးစိုက်ပျိုးရေးအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ