သစ်သီးဝလံနဲ့ ဟင်းသီးဟင်းရွက်များ အရောင်းအဝယ်စာချုပ်ချုပ်ခြင်း ဆိုင်ရာ သိကောင်းစရာ သင်တန်းဖွင့်လှစ်သွားမည်

သစ်သီးဝလံနဲ့ ဟင်းသီးဟင်းရွက်များကို direct sales contract အရောင်းအဝယ်စာချုပ်ချုပ်ခြင်းဆိုင်ရာ သိကောင်းစရာသင်တန်းကို ဖွင့်လှစ်သွားမှာဖြစ်ကြောင်း မြန်မာနိုင်ငံသစ်သီးဝလံပန်းမာန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

သစ်သီးဝလံနဲ့ ဟင်းသီးဟင်းရွက်များ အရောင်းအဝယ်စာချုပ်ချုပ်ခြင်းဆိုင်ရာ သင်တန်းကို ပထမဦးဆုံးအကြိမ် ဖွင့်လှစ်တာဖြစ်တယ်လို့ မြန်မာနိုင်ငံ သစ်သီးဝလံပန်းမာန်နှင့်ဟင်းသီးဟင်းရွက်စိုက် ပျိုးထုတ်လုပ်တင်ပို့ရောင်းချသူများအသင်းမှ ဥက္ကဌ ဦးစိုးသန်းမင်ဒင်ကပြောပါတယ်။

“သစ်သီးဝလံနဲ့ ဟင်းသီးဟင်းရွက် ဘယ်လိုတိုက်ရိုက်ရောင်းချတာကိုသိအောင်လို့ ဖွင့်လှစ်တဲ့ သင်တန်းဖြစ်ပါတယ်။ ဒါက ပထမဦးဆုံးအကြိမ် ဖွင့်လှစ်တာပါ။ စိတ်ပါဝင်စားတဲ့သူတွေ တက်ရောက်နိုင်ပါတယ်။ တိုင်းနဲ့ပြည်နယ်က အသင်းအဖွဲ့ ဥက္ကဌတွေလည်း တက်ရောက်ကြမှာပါ”

တောင်သူများအနေနဲ့ သစ်သီးဝလံနဲ့ ဟင်းသီးဟင်းရွက်များကို ရောင်းချရာမှာ သိသင့်သိထိုက်တဲ့ အကြောင်းအရာများ ၊ အရောင်းအဝယ်စာချုပ် ချုပ်ဆိုခြင်းဆိုင်ရာ ကိစ္စရပ်များမှာ ထည့်သွင်းရမယ့် အချက်အလက်များ၊ ဆောင်ရန်ရှောင်ရန်အချက်များကို သင်ကြားပေးသွားမှာဖြစ်ကြောင်း သိရပါတယ်။

သစ်သီးဝလံနဲ့ ဟင်းသီးဟင်းရွက်များ အရောင်းအဝယ်စာချုပ်ချုပ်ခြင်းဆိုင်ရာ သိကောင်းစရာ သင်တန်းကို လူဦးရေ (၂၀) သာ တက်ရောက်ခွင့်ရမှာဖြစ်ကြောင်းလည်း သိရပါတယ်။

အဆိုပါသင်တန်းကို အောက်တိုဘာလ (၁၀) ရက်နေ့၊ နေ့လည် (၁) နာရီမှာ အမှတ်(၂၉) ၊မြန်မာနိုင်ငံ ကုန်သည်စက်မှုအသင်းချုပ် (၅) လွှာမှာ ပြုလုပ်သွားမှာဖြစ်ကြောင်း အဆိုပါအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ