မတ်ပဲတန်ချိန် ၂.၅ သိန်း တိုးမြှင့်တင်သွင်းခွင့်ပြုလိုက်တာကြောင့် စျေးနှုန်းမတည်ငြိမ်မှုဖြစ်ပေါ်နေ

အိန္ဒိယနိုင်ငံမှ ၂၀၁၉ - ၂၀၂၀ ဘဏ္ဍာနှစ်အတွင်း မြန်မာ့မတ်ပဲကိုတာသတ်မှတ်ချက်ထက် တန်ချိန် ၂.၅ သိန်းကို တိုးမြှင့်တင်သွင်းခွင့်ပြုလိုက်တာကြောင့် စျေးနှုန်းများမှာ တည်ငြိမ်မှုမရှိပဲဖြစ်နေတယ်လို့ မြန်မာနိုင်ငံပဲမျိုးစုံနှင့် နှမ်းနှမ်းကုန်သည်များအသင်းမှ သိရပါတယ်။

ယခုလက်ရှိမှာ မတ်ပဲကို တန်ချိန်တိုးမြှင့်လိုက်ပေမယ့်လည်း စျေးနှုန်းမှာ ကြီးကြီးမားမားပြောင်းလဲမှုမရှိပဲ အတက်အကျများနေတယ်လို့ မြန်မာနိုင်ငံပဲမျိုးစုံနှင့် နှမ်းကုန်သည်များအသင်းမှ အတွင်းရေးမှူး ဦးမင်းကိုဦးကပြောပါတယ်။

သိပ်အပြောင်းအလဲကြီးကြီးမားမားတော့ မရှိပါဘူး။ ကြေညာချက်မထွက်ခင်က မတ်ပဲတစ်တန်ကို ၁၁၃,၀၀၀၀ ကျပ်ရှိခဲ့ပြီး နောက်ရက်တွေမှာ ၁၂ သိန်းလောက်ဖြစ်သွားတယ်။တစ်တန်ကို ကျပ် ၇၀၀၀၀ လောက်တက်သွားပေမယ့် နောက်ရက်တွေမှာ ၁၄၀,၀၀၀၀ လောက်ပြန်ဖြစ်တယ်။ ဒီကနေ့မှာတော့ ၁၁၇,၀၀၀၀ လောက်ဖြစ်တယ်။အပြောင်းအလဲကတော့ နည်းနည်းလေး အပေါ် တက်လိုက် အောက်ပြန်ဆင်းလိုက်တော့ဖြစ်တယ်။ အပြောင်းအလဲတော့များနေတာပေါ့

ယခုလက်ရှိ မတ်ပဲတစ်တန်ကို ၁၂၀,၀၀၀၀ ကျပ်ရှိနေရာမှ တစ်တန်ကို ၁၁၇,၀၀၀၀ ကျပ် ဖြင့် စျေးနှုန်းမှာ အတက်အကျများနေကြောင်းအဆိုပါအသင်းမှ သိရပါတယ်။

ယခင်က မတ်ပဲတန်ချိန် ၁.၅ သိန်း ကိုတာသတ်မှတ်ထားရာမှ အခုအခါ ၂.၅ သိန်းအထိ တိုးမြှင့်ရာ အခုဘဏ္ဍာရေးနှစ်အတွင်း တန်ချိန် (၄) သိန်းထိ တင်သွင်းခွင့်ပြုလိုက်တာဖြစ်ကြောင်း သိရပါတယ်။

မတ်ပဲကို အိန္ဒိယနိုင်ငံအပြင် ဘင်္ဂလားဒေ့ရှ်၊ ပါကစ္စတန်၊ ဒူဘိုင်း၊ မလေးရှားနဲ့ အင်ဒိုနီးရှားနိုင်ငံကိုလည်း တင်ပို့နေကြောင်း မြန်မာနိုင်ငံပဲမျိုးစုံနှင့် နှမ်းကုန်သည်များအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ