မြန်မာ့ငရုတ်သီးစျေးနှုန်း မတည်ငြိမ်

ယခုလအတွင်း မြန်မာ့ငရုတ်သီးစျေးနှုန်းမှာ တည်ငြိမ်မှုမရှိကြောင်း မြန်မာ့ငရုတ်သီးစျေးကွက်နှင့်နည်း ပညာဖွံ့ဖြိုးတိုးတက်ရေးအသင်းမှ သိရပါတယ်။

လတ်တလောဖြစ်ပျက်နေတဲ့ အရေးပေါ်ကျန်းမာရေးအခြေအနေကြောင့် ကုန်ပစ္စည်းတင်ပို့နေတဲ့ လမ်းကြောင်းများမှာ အခက်အခဲရှိနေတဲ့အတွက် စျေးနှုန်းများမှာ တည်ငြိမ်မှုမရှိနေတာဖြစ်တယ်လို့ မြန်မာ့ငရုတ်သီးစျေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ ဥက္ကဌ ဒေါ်ဥမ္မာကျော်က ပြောပါတယ်။

ငရုတ်သီးတွေက ဖြစ်ပေါ်နေတဲ့ ကျန်းမာရေးအခြေအနေကြောင်း ဆက်သွယ်ရေးလမ်းကြောင်း မကောင်းတာရယ် ပြီးတော့ ဝယ်ယူနေတဲ့နိုင်ငံကလည်း ငရုတ်သီးရာသီဖြစ်နေတာရယ်ကြောင့် စျေးနှုန်းကတည်ငြိမ်မှုမရှိဘဲ ကျနေတာပါ

အခုလကုန်မှာတော့ မြန်မာ့ငရုတ်သီးစျေးနှုန်း ပြန်လည်ကောင်းမွန်လာရန် မျှော်မှန်းထားတယ်လို့လည်း အဆိုပါအသင်းမှသိရပါတယ်။

မြန်မာ့ငရုတ်သီးစျေးနှုန်းမှာ အရင်က ဧရာဝတီတိုင်းမှထွက်ရှိတဲ့ ငရုတ်သီးမျိုးများမှာ တစ်ပိဿာ ကျပ် ၃၀၀၀ ဝန်းကျင်ရရှိနေသော်လည်း အခုလက်ရှိမှာ တစ်ပိဿာ ၆၅၀ ဝန်းကျင်သာ စျေးနှုန်းရရှိနေကြောင်း မြန်မာ့ငရုတ်သီးစျေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ